ALBtelecom, sinergji me BKT për digjitalizimin e shërbimeve - Business Magazine Albania

ALBtelecom, sinergji me BKT për digjitalizimin e shërbimeve

ALBtelecom

Z. Burak Yurtsever, Drejtor i Grupit të Financës në ALBtelecom (Në të majtë) Z.Uğur Tadik, Drejtori i Grupit të Teknologjive Financiare në BKT.

Tashmë klientët e ALBtelecom mund të marrin shërbim, 24 orë në 7 ditë, përmes Smartbankomatëve të BKT.

Ritmi i të përditshmes na vendos përballë sfidave në menaxhimin e kohës dhe aktiviteteve tona. Shpesh ankohemi se nuk kemi kohë të mbajmë radhë apo të presim për të përfunduar një punë të caktuar.

Për të  lehtësuar abonentët e tij mobile që kërkojnë të rimbushin ose aktivizojnë një paketë, ALBtelecom në bashkëpunim me BKT, bankën më të madhe në vend,  ofrojnë një mundësi të re përmes Transaksioneve pa Kartë në Smart Bankomat.

Tashmë përveç dyqaneve apo pikave të tjera të shitjes, klientët e ALBtelecom mund të marrin shërbim 24 orë në 7 ditë, përmes një eksperience të re të vetëshërbimit përmes Bankomatëve Smart të BKT-së.

Lexo: Bilgen Aldan, CEO e ALBtelecom e para grua në krye të Dhomës Ndërkombëtare të Tregtisë

“Ky është vetëm një prej shërbimeve novative në fushën e digjitalizimit që ne kemi ndërmarrë dhe jemi në sinergji me BKT. ”, u shpreh z. Burak Yurtsever, Drejtor I Grupit të Financës në ALBtelecom.

Klienti mund të kryej shërbimin në një prej Smart Bankomateve të BKT duke vendosur kartmonedhën me vlerën e rimbushjes ose paketës së ALBtelecom, që dëshiron të aktivizojë dhe vendos numrin e telefonit mobile.

Në këtë mënyrë klientët kanë mundësi të kryejnë veprime me “para në dorë”.

Ky shërbim është i vlefshëm për të gjithë, pa patur domosdoshmërinë e një numri llogarie.

“Krahas gjithë lehtësive që ofron ky shërbim, edhe nëse nuk je klient i BKT-së, çdokush mund të përdori Veprimet/Rimbushjen pa Kartë në Smart Bankomatet tona, mjafton të vendosi numrin e telefonit mobile dhe të kryejë pagesën”- shpjegoi z.Uğur Tadik, Drejtori i Grupit të Teknologjive Financiare në BKT. Smart Bankomat u ofron klientëve mundësinë për të kryer rimbushje dhe aktivizim pakete ALBtelecom mobile, shpejt e në çdo kohë, me Kartë ose Cash, për vete apo çdo numër tjetër ALBtelecom. Ky shërbim së shpejti do të ofrohet në të gjithë rrjetin e bankomateve të BKT.

Risitë, ofertat dhe produktet e njëpasnjëshme nga ALBtelecom janë në të njëjtën linjë me vizionin e  kompanisë për të mundësuar shërbime digjitale e novative për të gjithë shqiptarët.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0