Bilgen Aldan, CEO e ALBtelecom e para grua në krye të Dhomës Ndërkombëtare të Tregtisë - Business Magazine Albania

Bilgen Aldan, CEO e ALBtelecom e para grua në krye të Dhomës Ndërkombëtare të Tregtisë

Bilgen Aldan, Drejtoresha e Përgjithshme e ALBtelecom është zgjedhur ditën e djeshme, gjatë takimit të Asamblesë së Përgjithshme, Kryetare e Bordit Ekzekutiv të Dhomës Ndërkombëtare të Tregtisë. Emërimi i Znj. Aldan shënon një moment historik për ICC Albania, duke u bërë gruaja e parë që kryeson këtë organizatë biznesi.

Bilgen Aldan iu bashkua ALBtelecom në muajin shkurt 2021, pas përvojës në industri të tilla si telekomunikacioni, sistemi bankar dhe mediat digjitale në Turqi. 

Në fjalën e saj pas emërimit Znj. Aldan u shpreh:
“Jam shumë e nderuar dhe e  kënaqur dhe që jam zgjedhur Kryetare e Bordit Ekzekutiv i ICC Albania. Së bashku me Bordin do të përdorim të gjitha energjitë tona për të promovuar dhe mbrojtur interesat e bizneseve, duke synuar përmirësimin e mëtejshëm të klimës së biznesit dhe zhvillimin ekonomik të Shqipërisë.”

Dhoma Ndërkombëtare e Tregtisë është forumi më i madh i kompanive të biznesit dhe drejtuesve të suksesshëm në tregun shqiptar dhe kryesimi i tij nga një grua shënon një tjetër progres për vetë kontributin e gruas në vendimarrje në Shqipëri.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0