ALBtelecom shton bashkëpunimin me Postën Shqiptare - Business Magazine Albania

ALBtelecom shton bashkëpunimin me Postën Shqiptare

~3 minuta lexim


ALBtelecom ndërmerr një bashkëpunim strategjik afatgjatë me Postën Shqiptare. Përmes tij synohet rritja e mundësive për qytetarët për marrjen e shërbimeve kudo ku ata ndodhen.

Jemi mjaft të kënaqur që po shtojmë bashkëpunimin me Postën Shqiptare, një partner i hershëm i ALBtelecom, jo vetëm duke qenë dy institucione historike në fushën e komunikimit, por edhe për shkak të afërsisë me qytetarët në të gjithë Shqipërinë”, – tha Drejtori i Përgjithshëm i ALBtelecom Z. Tahsin Yilmaz.

Nga ana e saj Posta Shqiptare e sheh me rëndësi këtë bashkëpunim për një sërë arsyesh.

Falë këtij bashkëpunimi, Posta kthehet në një One Stop Shop, duke mundësuar kryerjen e disa shërbimeve në një vend, që do të thotë më pak radhë dhe më shumë kohë e kursyer për klientët ALBtelecom”, – tha Administratori i Posta Shqiptare, Z. Laert Duraj.

Duke filluar nga sot, Posta Shqiptare do të ofrojë shërbimin e shpërndarjes së faturave të ALBtelecom-it, si mundësi shtesë për dyqanet dhe pikat e shitjes së kësaj kompanie. Klientët e ALBtelecom do të kenë mundësi të paguajnë faturat e telefonisë fikse, asaj celulare, të internetit dhe të paketave ALBtv, në çdo zyrë postare në vend.

Në kuadër të këtij bashkëpunimi strategjik, ALBtelecom dhe Posta Shqiptare do të mundësojnë përfitime të tjera për klientët në të gjithë Shqipërinë në muajt në vazhdim.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0