ALBtelecom shpërblen sipërmarrësit e rinj të Tirana Inc., Demo Day! - Business Magazine Albania

ALBtelecom shpërblen sipërmarrësit e rinj të Tirana Inc., Demo Day!

ALBtelecom

Kompania më e madhe shqiptare e telekomunikacionit ka vendosur në fokus të mbështetjes të rinjtë sipërmarrës dhe idetë e tyre të biznesit start-up dhe në fushën e digjitalizimit.

Në këtë frymë ajo krijoi edhe platformën e quajtur “SuperGeneration”, e cila ofron suport me teknologji dhe dije për të gjithë të rinjtë që kanë një ide inovatore biznesi në këto fusha.

Nëpërmjet “SuperGeneration”, ALBtelecom ka shkuar edhe më tej në mbështetje, duke shpërblyer në mënyrë direkt idetë më të mira. E tillë ishte edhe mbështetja e ofruar nga ALBtelecom për Demo Day nga Tirana Inc., ku 10 ekipe finaliste konkurruan në konkursin e sipërmarrjes me ide të shkëlqyera.

Përzgjedhja e ideve fituese u krye nga një juri e dedikuar, pjesë e së cilës ishte edhe CEO e ALBtelecom, Znj. Bilgen Aldan, e cila ka promovuar personalisht qasjen e digjitalizimit dhe ekonomisë digjitale në të gjitha platformat vendimarrëse.

Idea fituese e çmimit të parë të Demo Day nga Tirana Inc. ishte “RentNow”, një sistem për shërbimet e marrjes me qira të makinave, i cili menaxhon rezervimet në internet, lejon pagesat e sigurta, përditësimet në kohë reale për makinat e disponueshme, kontakte të drejtpërdrejta ndërmjet klientëve dhe kompanive dhe promovim në internet.

ALBtelecom shpërbleu me 2500€ idenë fituese të 3 studentëve nga Universitetit POLIS, në degën Shkenca Kompjuterike.

Gjatë dhënies së këtij çmimi Znj. Bilgen Aldan u shpreh se e ardhmja e ekonomisë shqiptare është digjitalizimi dhe promovimi i mjedisit start-up drejt mundësive të reja lokale e ndërkombëtare dhe ALBtelecom do të jetë partneri i besueshëm për çdo sipërmarrës të ri.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0