ALBtelecom, partner kyç në integrimin digjital rajonal, në bashkëpunim me Sparkle për Albania Crossing - Business Magazine Albania

ALBtelecom, partner kyç në integrimin digjital rajonal, në bashkëpunim me Sparkle për Albania Crossing

ALBtelecom

Shqipëria bëhet sërish urë lidhëse mes Lindjes dhe Perëndimit. Nga rruga Egnatia e kohës romake në urën digjitale të fibrave optike.

Sparkle është ofruesi i parë ndërkombëtar i shërbimeve në Itali dhe mes dhjetë operatorëve kryesorë globalë, njofton fillimin e Albania Crossing, itinerarit të ri, të drejtpërdrejtë që lidh Athinën me Milano.

E ndërtuar në bashkëpunim me ALBtelecom, kompaninë më të madhe të telekomunikacionit në Shqipëri, lidhja e re e fibrave optike përshkon Shqipërinë, kabllon nëndetare Bari-Durrës dhe backbone italian, në rrugën direkte më të shkurtër nga Athina në Milano, me kapacitetin për të arritur të gjithë qendrat e tjera kryesore në Evropën Perëndimore.

Albania Crossing prezantohet si një linjë e shpejtë dhe e larmishme nga Ballkani drejt Evropës Perëndimore, duke ofruar performancën më të mirë krahasimisht me lidhjet ekzistuese tokësore mes Athinën dhe Milanos. Si rezultat, aktorët rajonalë dhe ndërkombëtarë të telekomit  mund të përfitojnë nga zgjidhje të larmishme dhe të besueshme të kapacitetit, të disponueshme në shumëfisha 100G.

Jemi të privilegjuar për këtë bashkëpunim me Telecom Italia, sidomos për vlerat në krijimin e urës së komunikimit digjital mes lindjes dhe perëndimit, ku ALBtelecom ka implementuar me sukses ndërtimin e infrastrukturës së fibrave optike e do të kontribuojë edhe në vijimësi në integrimin digjital të rajonit tonë në Europë.” – u shpreh Znj. Bilgen Aldan, Drejtore e Përgjithshme e kompanisë ALBtelecom.

Lexo: ALBtelecom në Forumin Ekonomik të Tiranës: Dixhitalizimi si përgjigje ndaj pandemisë

Albania Crossing është linja e gjashtë e Sparkle që lidh zonën jug-lindore të pellgut mesdhetar me pjesën tjetër të botës, përveç unazës ekzistuese nëndetare dhe lidhjeve me fibra tokësore përmes Sofjes, duke mundësuar kështu implementimin e një lidhjeje të fortë e tejet të plotë.

Lidhja e re realizuar përmes ALBtelecom është pjesë e një strategjie më të gjerë zgjerimi që shfrytëzon Athinën si një pikë ndërrajonale gjithnjë e më të rëndësishme dhe Milanon si një qendër kryesore për internetin dhe shërbimet cloud në kontinentin evropian, për të përmbushur nevojat e lidhjes së shumëllojshme midis Ballkanit, Lindjes së Mesme dhe Evropës.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0