ALBtelecom në Forumin Ekonomik të Tiranës: Dixhitalizimi si përgjigje ndaj pandemisë - Business Magazine Albania

ALBtelecom në Forumin Ekonomik të Tiranës: Dixhitalizimi si përgjigje ndaj pandemisë

ALBtelecom

Sfidat e ditëve të sotme politike dhe ekonomike, në kushtet e pandemisë, u trajtuan ditën e sotme në një nga takimet më të mëdha ekonomike rajonale, Forumi Ekonomik i Tiranës. Pjesëmarrës në këtë forum, zhvilluar në mënyrë dixhitale për shkak të pandemisë ishin përfaqësues politik si kryeministrat e Serbisë, Maqedonisë së Veriut, Bosnje & Hercegovinës dhe Komisioneri i BE-së për Zgjerimin.

Mes panelistëve të ftuar ishin gjithashtu përfaqësues të kompanive më të mëdha në rajon, të cilat shpalosën investimet e tyre dhe perspektivën ekonomike të vendeve ku operojnë si dhe sfidat në kohët e pandemisë.

ALBtelecom u përfaqësua nga CEO Znj. Bilgen Aldan në këtë forum.

Znj. Aldan nisi prezantimin e saj duke nënvizuar kontributin gati 110 vjeçar të kompanisë në shoqërinë dhe ekonominë shqiptare, me angazhime të qarta edhe për vitet që do të vijnë. Ajo e vuri theksin tek infrastruktura e ALBtelecom, si një ndër pikat më të forta për të drejtuar ambiciet për dixhitalizim të jetës së qytetarëve shqiptarw. Konkretisht, ALBtelecom zotëron rrjetin më të madh të fibrave optike me rreth 3,842 km, si dhe 38.000 linja fibre GPON në të gjithë vendin.

Sipas Znj. Aldan, ALBtelecom është ofruesi më i madh i internetit në vend, duke përfshirë 8 pika lidhje kufitare me Italinë, Greqinë, Maqedoninë e Veriut dhe Kosovën, që bëjnë të mundur lidhjen infrastrukturore të rajonit tonë me zemrën e Europës.

Lexo: Anketimi i QKB: Bizneset e vogla dhe të mesme pak akses në financim. Njihuni me gjetjet e e anketimit

Këto kanë bërë të mundur që kjo kompani të jetë edhe punëdhënësi më i madh në Shqipëri, me një politika gjinore fuqizuese, ku gratë përfaqësojnë 60% të stafit.

Në prezantimin e saj, Znj. Aldan theksoi edhe ndikimin e pandemisë në vend. “Gjatë periudhës së pandemisë ne kemi vënë re rritje të konsumit të internetit prej konsumatorëve në rrjetin fiks prej 43% dhe presim që kjo shifër të rritet akoma me tej.”- tha Znj Aldan, e cila vuri në dukje kontributin e ALBtelecom për të përballuar këtë flus në rritje, dhe ruajtjen e cilësisë së shërbimit.

“Sfidave të pandemisë ne do t’i përgjigjemi me nisma digjitalizuese që do të lehtësojnë jetën e shqiptarëve në të gjithë vendin” – tha ajo, duke nënvijëzuar se zhvillimi dhe inovacioni do të vijë nga talentet e reja të këtij vendi, që ALBtelecom ka mbështetur e do të mbështesë në vitet në vijim si promotorë të zhvillimit.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0