Albina Peposhi, vetëm 15 vjeç, po ecën në gjurmët e motrës së saj Brigite Peposhi. Albina është orientuar drejt programimit që e vogël pikërisht nga Brigite. Ajo sot ka fituar vendin e parë, në olimpiadën zhvilluar në Durrës “Unë dhe Kompjuteri”.
Që në moshën 12 vjeç krijonte lojëra me tools si AppInventor apo Scratch. Brigite tregon: “e shikonja që e kishte me shumë pasion. Është marrë me web, python, java, C++. Sigurisht në nivelet për moshën e saj”.
Si një vajzë aktive, Albina ka marrë pjesë në evente të Albanian Skills. Vitin e kaluar mori pjesë në future gigs, organizuar nga Albanian Skills.
Rrugëtimi i saj në opimpiadë nis që në shkollë, ku u aktivizua në olimpiadën e informatikës. Pasi fitoi aty, mori pjesë në konkursin që përfshsin të gjitha shkollat e qytetit të Durresit. Në opimpiadën, “Unë dhe kompjuteri”, Alba u testua në praktikë në web, python, java dhe c++, ku duhej të zgjidhte ushtrimet që i ishin dhënë të kompilueshme në editorët përkatës.
Lexo: Flet Brigite Peposhi. Inteligjenca artificiale mund të zgjidhë krimet
“Jam vërtetë e lumtur që Alba po ndjek rrugën time dhe jam shumë e sigurt që me hapat që po ecën në një moshë kaq të vogël, do jetë shumë më e suksesshme. Gjithashtu, si një person që në mënyrë aktive suporton vajzat në teknologji, më motivon fakti që Alba është vajza që dua të shikoj në gjeneratat e ardhshme, duke iu futur teknologjisë dhe programimit në një moshë kaq të vogël”, thotë Brigite.
Në planet e Albës është thellimi në programim dhe kohën e lirë e kalon në platformat e-learning, ndjek tutoriale në programim dhe zhvillon produkte, për t’u praktikuar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
