Durrësi dhe Shkodra ishin dy destinacionet e reja të Albanian ICT Awards ditën e djeshme. Gjithashtu krahas dy takimeve në qytetet e lartpërmendura, u mbajt edhe një i tretë në Prishtinë pranë Universitetit për Biznes dhe Teknologji.
Fakulteti i Teknologjisë së Informacioni pranë Universitetit Aleksandër Moisiu të Durrësit mirëpriti ekipin organizativ të Albanian ICT Awards ditën e sotme. Hapjen e këtij takimi e bëri Dr. Senada Bushati, drejtore e departamentit të Shkencave Kompjuterike ndërsa më pas pjesëmarrësit u informuan për kriteret e vlerësimit dhe format e aplikimit në garën mbarëkombëtare.
Takimi i dytë dhe i pari i këtij lloji në këtë qytet zuri vend në kryeqendrën e veriut, Shkodër. Nxënësit e Shkollës Austriake dhe entuziazmi i tyre foli për një realitet krejt ndryshe në këtë qytet. Fjalën hapëse të takimit e bëri Michael Maschek, profesor pranë këtij institucioni.
Universiteti për Biznes dhe Teknologji në Prishtinë gjithashtu mikëpriti një tjetër takim në kuadër të informimit dhe ftesës për aplikantë potencialë në këtë konkurs mbarëkombëtar. Hapja e takimit u bë nga Myzafer Shala pedagog pranë këtij Universiteti dhe më pas fjalën e mori Ardian Alaj për detaje të konkursit.
Dita e sotme e dërgoi në 15 numrin e përgjithshëm të takimeve të organizuara ndërkaq dita e nesërme falë bashkëpunimit mes ICT Awards, Institutit “Harry Fultz” dhe Oficina do të mbahen disa takime të tjera me nxënës të shkollave të mesme.
Ditën e shtunë do të rikthemi përsëri në Shkodër pranë Universitetit “Luigj Gurakuqi”, Fakulteti i Shkencave të Natyrës Dega Informatikë ku studentët do të prezantohen me vizionin e kësaj nisme mbarëkombëtare.
Ju rikujtojmë se data 31 Mars ngelet në fuqi si afati përfundimtar i pranimit të aplikimeve përmes uebfaqes ictawards.org.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English