Ditën e djeshme, nën frymën e një bashkëpunimi të ndërsjellë, u nënshkrua Marrëveshja e parë e Bashkëpunimit midis Autoritetit Kombëtar për Sigurinë Kibernetike (AKSK) i përfaqësuar nga Drejtori i Përgjithshëm Z. Igli Tafa dhe Këshillit Shqiptar për Teknologjinë dhe Inovacionin, (ACTI), i përfaqësuar nga Anëtari i Bordit Drejtues z.Gentian Likaj.Kjo Marrëveshje Bashkëpunimi ka për qëllim forcimin e bashkëpunimit ndërmjet palëve duke kontribuar në krijimin e një mjedisi të sigurt, inovativ dhe të qëndrueshëm digjital, përmes promovimit të sigurisë kibernetike, si dhe fuqizimit dhe zhvillimit profesional të të rinjve në këtë fushë.
Për të arritur qëllimin e mësipërm të kësaj Marrëveshje Bashkëpunimi, palët synojnë të bashkëpunojnë në fushat e mëposhtme:
-Hartimin dhe realizimin e projekteve të përbashkëta në fushën e edukimit dhe ndërgjegjësimit për sigurinë kibernetike;
-Organizimin e programeve të trajnimit dhe certifikimit profesional në bashkëpunim me ekspertë vendas dhe ndërkombëtarë;
-Zhvillimin e aktiviteteve të përbashkëta për promovimin e inovacionit teknologjik dhe ndarjen e praktikave më të mira.
Ky partneritet vjen në një moment kyç për zhvillimin digjital të Shqipërisë, dhe është vetëm hapi hapi i parë drejt realizimit të objektivave të ACTI-t duke pasqyruar një përkushtim të përbashkët për t’i dhënë prioritet sigurisë kibernetike dhe krijimit të një ekosistemi ku inovacioni teknologjik gjen terren të shëndetshëm për rritje.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English