CEO i Tesla-s, Elon Musk bleu një përqindje të aksioneve të Twitter duke e kthyer atë në aksionerin më të madh të rrjetit social, jo shumë kohë pasi ai kritikoi kompaninë për dështimin e saj për të mbështetur parimet e fjalës së lirë.
Musk zotëron 73,486,938 aksione të Twitter, që përfaqësojnë 9.2% të aksioneve të kompanisë.
Blerja vjen më pak se dy javë pasi Musk kritikoi kompaninë, duke anketuar njerëzit në Twitter nëse ajo i përmbahet parimeve të fjalës së lirë.
“Duke pasur parasysh se Twitter shërben si shesh publik de facto i qytetarëve, mosrespektimi i parimeve të fjalës së lirë minon rrënjësisht demokracinë”, shkroi Musk në Twitter. “Çfarë duhet bërë?”
Lexo edhe: Elon Musk po mendon të krijojë një platformë të re mediash sociale
Në fund të muajit të kaluar, Musk tha gjithashtu se po konsideronte ndërtimin e një platforme të re të mediave sociale.
Musk është përdorues i shpeshtë i Twitter dhe ka më shumë se 80 milionë ndjekës në këtë platformë. Megjithatë, disa nga postimet e tij i kanë shkaktuar jo pak herë telashe në syrin publik.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English