Papunësia sipas tij ra në 4% në katër vitet e fundit ndërsa në këtë nivel është rritur punësimi. Papunësia aktualisht ka zbritur në 13% sipas INSTAT, ndërsa Ahmetaj tha se, “në mandatin e dytë të qeverisë Rama papunësia po shkon drejt nivelit njëshifror”. Sektori me zhvillimin më të madh këtë vit, sipas tij, erdhi për shkak të mundësive për hua.
Ahmetaj tha se, “Ekonomia është në një trajektore rritëse të qëndrueshme. Janë rritur huatë për ndërtim, si përgjigje e pyetjes se ku dalin paratë për ndërtim. Kjo rrëzon qëndrimet politike apo emocionale të çdokujt. Kjo është një e dhënë shumë e rëndësishme për të kuptuar se nga vjen rritja e sektorit të ndërtimit.”
Si kundërpergjigje ndaj diskutimeve të ngritura për burimin e të ardhurave në ndërtim, Ahmetaj theksoi se huaja për pasuritë e paluajtshme është rritur 6 %. Për përmirësimin e klimës së financimit, ministri kujtoi se kredia me probleme ka zbritur në gati 13% të totalit të kredisë. Duke theksuar se ekonomia është përmirësuar për shkak të reformave, Ahmetaj vuri në dukje se edhe të dhënat e para për këtë vit lajmërojnë rritje të huasë dhe eksporteve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
