Qeveria ka shtyrë deri më 25 shtator afatin për përfitimin e pagesën e luftës, sipas dy paketave të miratuara në mars dhe prill 2020.
Individët, të cilët nuk e kanë marrë pagën e luftës për shkak të plotësimit në mënyrë të pasaktë të të dhënave të llogarive bankare, do të kenë afat deri më 25 Shtator për të bërë korrigjimin e tyre. Drejtoria e Përgjithshme e Tatimeve ka shtyrë sërish afatin, i cili ishte përcaktuar deri më 31 Gusht, për t’ju dhënë mundësi 2324 indivdëve që të përfitojnë bonusin e vënë në dispozicion nga buxheti i shtetit.
Lexoni: 10 arsye pse pushimet e shtatorit janë fantastike
Tatimet, në faqen zyrtare të internetit, kanë vendosur në dispozicion formularin që duhet plotësuar nga individët ku kërkohet numri personal i identifikimit, emër, mbiemër, emri i bankës dhe ibani i llogarisë bankare.
Sipas listës së tatimeve, bëhet fjalë për 1802 punonjës të cilët nuk kanë korrigjuar të dhënat e llogarive bankare, dhe 522 punonjës që rezultojnë përfitues të paketës nr.1 por që kanë llogari me probleme.
Listën e personave të cilët duhet të korrigjojnë të dhënat e gjeni këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
