Kastrati Group e drejtuar nga Shqefet Kastrati, dhe kompania T.M.D Systems LTD, kanë një bonus prej 8 pikë në tenderin që pritet të hapet për dhënien me koncension të aeroportit.
Vendimi është marrë në mbledhjen e fundit të qeverisë. Këshilli i Ministrave ka miratuar shpërblimin e kompanive për ofertën e tyre të pakërkuar lidhur me koncesionin e Aeroportit të Kukësit me bonus 8 pikë.
Së shpejti qeveria pritet të hapë garën për dhënin me koncesion të Aeroportit..
Lexoni: Hiqet ekskluziviteti i Rinasit, aeroporti i Kukësit hap dyert
Vënia në punë e tij në fakt është diskutuar disa vite më parë, kur edhe kontrata me TIA-n u zgjat në kohë.
Pak kohë më parë, Kryeministri Rama, pati theksuar se ka interes nga investitorë seriozë për aeroportin e Kukësit.
Aeroporti pritet t’i nënshtrohet një rivlerësimi për investimet e nevojshme dhe për të përcaktuar rolin e tij në transportin ajror. Ndërsa Kastrati, është tashmë një grup i fuqizuar në investime, kompania e huaj pritet të ofrojë pjesën e konsulencës në këtë drejtim.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
