Kompania e veshjeve sportive Adidas kërkon të ndryshojë këpucët e futbollit, duke prezantuar këpucët pa lidhëse.
Të parët që do të provojnë këto këpucë në fushën e lojës do të jenë kroati Ivan Rakitic, mesfushori i Barcelonës, dhe gjermani Mesut Ozil, mesfushori i Arsenalit, raporton TechSot.Al.
Lidhëset gjithmonë kanë pasur ndikim në pasimin dhe gjuajtjen e topit. Ato e bëjnë më të rëndë kontrollimin e topit nga lojtarët. Kështu që Adidas ka vendosur ta ndryshojë atë, duke lançuar këpucët ‘Ace16+ Purecontrol’.
“Këto këpucë janë me të vërtetë shumë të rehatshme – Adidas ja ka arritur qëllimit!” – ka thënë kroati Ivan Rakitic, i cili do të veshë këpucët e reja në 23 Janar, në ndeshjen Barcelona – Malaga.
Sipas TechSot.Al, këpucët e reja kanë qënë nën prodhim që prej vitit 2014, dhe më pas Adidas i ka testuar ato për dy vjet me radhë. Dhe kjo është hera e parë që ato do të përdoren nga profesionistët në fushën e lojës.
Rakitic-it do t’i bashkohet edhe mesfushori i klubit anglez Arsenal, Mesut Ozil, i cili gjithashtu do të veshë këpucët këtë fundjavë kundër Chelsea-t.
“Gjatë gjithë karierrës sime jam munduar të minimizojë ndikimin e lidhësve në kontrollin e topit,” ka thënë gjermani Ozil. “Mezi po pres që ti provoj ato në fushën e gjelbërt.
Adidas kë njoftuar se një numër i kufizuar këpucësh do të shiten në publik në dyqane të ndryshme në Paris, Marsejë, Londër, Barcelonë, dhe Manchester.
/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
