Ai shfaqet si pop-up në kryefaqe dhe u mundëson përdoruesve të shohin postimet e reja të miqve të tyre, të cilat nuk i kanë parë në momentin e postimit. Aktualisht, ky opsion është i ngjashëm, por jo tërësisht njësoj me News Feed-in që ofron Facebook-u. Megjithatë, lançimi i Latest Posts mund t’u shërbejë përdoruesve për të parë se çfarë ka ndodhur, pa humbur asnjë moment.
Ky opsion u zbulua nga Jane Manchun Wong, specialiste inxhinierie, e cila jep këshilla për TechCrunch për zhvillimet e reja të gjigandëve të teknologjisë.
Lexo këtu: Instagram ju lejon të shihni me cilat llogari bashkëveproni më shumë dhe më pak
Ajo gjeneroi pamje nga kodet e Instagramit. Kur përdoruesit lundrojnë në Instagram, atyre u shfaqet “Welcome Back!, Shikoni postimet më të fundit të miqve tuaj”. Në këtë moment në ekran shfaqet një pop-up. Nëse përdoruesit klikojnë “See Posts”, në vend të “Not Now”, atyre do t’u hapet një tab i ri, ku do të shfaqen postimet më të fundit.
TechCrunch ka kontaktuar me Instagram-in për të marrë një konfirmim, më shumë detaje dhe për t’u qartësuar nëse do funksionojë Latest Posts. Kompania nuk është përgigjur, sepse do të dalë në konferencë për shtyp më vonë. Sidoqoftë, Instagram-i ka konfirmuar shpesh deklaratat e inxhinieres Wong. Disa prej gjërave që ajo ka thënë, janë lançuar nga Instagram pak muaj më vonë.
Më herët, Instagrami shtoi “You’re All Caught Up”, në mënyrë që përdoruesit të mund të shikonin postimet e miqve gjatë 48 orëve të fundit. Latest Posts mund të jetë një mënyrë tjetër për t’u mundësuar përdoruesve të qëndrojnë të update-uar me çdo zhvillim. Kjo mund t’i ofrojë njerëzve më shumë besim dhe siguri.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
