CEO i kompanisë Meta, Mark Zuckerberg, parashikon një të ardhme ku inteligjenca artificiale do të të kuptojë aq mirë, saqë personalitete të ndryshme të AI mund të bëhen “miqtë” tuaj.
Në një intervistë të re me podkasterin Dwarkesh Patel, Zuckerberg tha se beson që “njeriu mesatar dëshiron më shumë lidhje, më shumë lidhje se sa ka aktualisht,” dhe mendon se chatbot-ët e trajnuar për të pasur personalitete të ndryshme mund ta ndihmojnë në këtë drejtim. “Njeriu mesatar amerikan, sipas meje, ka më pak se tre miq, persona që do t’i quante vërtet miq, ndërkohë që ka nevojë për më shumë, rreth 15,” tha Zuckerberg për Patel. (Ai ndoshta i referohej një sondazhi të vitit 2023 nga Pew Research Center, i cili tregonte se 40% e amerikanëve kanë tre ose më pak miq, ndërsa 38% kanë pesë ose më shumë.) Sipas tij, AI ka potencialin për të mbushur këtë boshllëk. Edhe pse ai shtoi se AI “me shumë mundësi” nuk do të zëvendësojë plotësisht lidhjet reale apo takimet fizike, mund të ndihmojë njerëzit të ndihen më pak të vetmuar. Ai përmendi se tashmë përdoruesit po shfrytëzojnë inteligjencën artificiale për t’u përgatitur për biseda të vështira me persona të afërt, dhe kompani të tjera po ofrojnë tashmë AI si terapistë virtualë apo edhe partnerë romantikë. “Për njerëzit që nuk kanë terapist, besoj se të gjithë do të kenë një AI,” tha Zuckerberg edhe në një tjetër episod podkasti me analistin Ben Thompson.
Lexo edhe:Bill Gates do të dhurojë 200 miliardë dollarë deri në vitin 2045
Megjithatë, jo të gjithë janë të entuziazmuar nga ideja për të pasur “miq” të krijuar nga AI. Përdorues të rrjeteve sociale kanë kritikuar komentet e Zuckerberg. Shkrimtari Neil Turkewitz shkroi në X (ish-Twitter) se perspektiva e Zuckerberg “është ajo që ndodh kur beson se njerëzimi mund të reduktohet në të dhëna binare e sheh miqësinë si një marrëdhënie ofertë & kërkese.” Të tjerë ngritën shqetësime nëse miqtë AI do t’u thoshin njerëzve për kë të votojnë apo çfarë të besojnë, ndërsa dikush vuri në dukje evolucionin e kompanisë Meta nga një platformë për të lidhur miq në vitin 2006 në një platformë për të lidhur “miq imagjinarë” në vitin 2026. Megjithatë, pati edhe qëndrime më pozitive — disa komentues thanë se “dëshironin një mik AI.” Carolyn Rogers, drejtuese e marketingut në agjencinë Blokhaus, shkroi në X se hapi i radhës do të ishte që miqtë AI të fillojnë të rekomandojnë produkte duke i dhënë mundësi Metës të monetizojë këtë “miqësi.” Këto komente të Zuckerberg erdhën në të njëjtën kohë me lançimin nga Meta të një aplikacioni të ri të quajtur Meta AI, që synon të konkurrojë me ChatGPT të OpenAI, Gemini të Google dhe Grok të xAI. Në një video të postuar në Instagram për lançimin e aplikacionit, Zuckerberg zbuloi se pothuajse një miliard njerëz në mbarë botën përdorin Meta AI përmes aplikacioneve të kompanisë si Facebook, Instagram dhe WhatsApp.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English