Ne në Business Mag i pëlqejmë shumë reklamat, aq sa më shumë analizojmë realizimin sesa vetë produktin.
Në tregun shqiptar ka shumë kompani të cilat bëjnë një punë të madhe për marketingun e produkteve të tyre dhe kjo kryesisht nëpërmjet reklamave e spoteve televizive. Sepse tek e fundit roli i një reklame nuk është për të informuar, por për të shitur.
Zgjodhëm të bëhemi pak nostalgjikë duke kujtuar një nga reklamat e para shqiptare, që hapi dhe rrugën drejt një fushe të re shumë të bukur si ajo e marketingut.
E realizuar në vitin 1999, nga agjencia e reklamave R&T ADVERTISING ALBANIA kjo mendohet të jetë reklama e parë shqiptare.
Reklama e realizuar për ujin Glina të krijon idenë e një kënge vere diku në një zonë të Amerikës Latine, pak a shumë e ngjashme me klipin e këngës së vjetër Lambada nga Kaoma (1989). Djem dhe vajza në plazh, diell dhe det, dhe një shishe uji Glina që i freskon… pa harruar dhe fetën e limonit të rrotullohet në mënyrë fantastike (imagjinoni provat që mund të jenë bërë për ta realizuar :p).
Përveçse reklama e parë shqiptare, mund ta quajmë patjetër dhe një nga ato më të mirat.
Kliko videon:
https://www.youtube.com/watch?v=Vl2NiyRyILs
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
