A jemi prindër të padisponueshëm? - Business Magazine Albania

A jemi prindër të padisponueshëm?

prindër të padisponueshëm

Shkruar nga Shpresa Rupar, trajnere e NLP

Cilat janë nevojat tuaja të paplotësuara?

Pyeteni veten, cilat janë nevojat tuaja të paplotësuara dhe që për t’i plotësuar përdorni fëmijët tuaj?

Shpesh më pyesin për një mendim, një këshillë se si të ndihmojnë fëmijët e tyre për të qenë më konfident.

Kur i pyes më tej, kuptoj që në fakt, të paktën në shumicën e rasteve, as vetë ata nuk janë konfident, apo qasja që kanë me fëmijët do ishte mirë të ndryshohej, pasi prindërimi i përgjegjshëm kërkon qasje ndryshe.

Por, para se të kemi qasje ndryshe me fëmijët, fillohet të kemi qasje ndryshe me fëmijën brenda vetes.

Pas një prindi që ngre zërin, pas një prindi që nuk mundet të kontrollojë shumë situata, fshihet një çift i padisponueshëm për njëri-tjetrin, sepse secili prej tyre mban brenda vetes një fëmijë të lënduar.

Sot po ndaj me ju tre tregues të një personi, partneri apo partnereje, emocionalisht të padisponueshme:

– Kur flitet për tema lidhur me gjendjen emocionale nuk ndihen rehatshëm.

– Me sjelljen e tyre tregojnë që janë tepër posesivë ose kanë varësi emocionale nga dikush, gjë që shpesh për personin në krah duket shumë e frikshme. Kontrolli është mjeti i tyre më i fuqishëm dhe janë gati të bëjnë gjithçka që ta ushqejnë atë.

– Nuk pranon terapitë apo vizitat tek një specialist, sepse një vizitë tek specialisti e shikojnë si kërcënim ndaj posesivitetit që ata kanë brenda vetes.

Po si arrin deri këtu një person?!

Arsyet mund të jenë të shumta dhe të ndryshme, zakonisht ka lidhje me dinamikën familjare në familjen primare, traumat dhe gjendjen sociale ose të treja bashkë, plus dhe arsye të tjera që dalin gjatë terapive dhe sencave, gjithësesi fillimet, të paktën në shumicën e rasteve, janë në fëmijërinë e hershme.

Lexo: Kur përshtatesh humb vetveten

Pra, para se të kemi qasje ndryshe me fëmijët, fillohet të punojmë me fëmijën brenda vetes.

Pyeteni veten, cilat janë nevojat tuaja të paplotësuara dhe që për t’i plotësuar përdorni fëmijët tuaj?

Edukimi i fëmijëve është shumë më tepër se të dhëna dhe informacione të gatshme. Edukimi fillon me marrëdhëniet njerëzore, me komunikimin. Edukimi, përveç fakteve dhe mësimeve që përçojmë, ka të bëjë me atë se si të kuptojmë botën e brendshme të personit me të cilin komunikojmë apo kemi marrëdhënie të ndryshme si në fushën personale apo atë profesionale.

A është Programimi Neuro Linguistik teknologjia e Inteligjencës Emocionale?

Po, NLP-ja është teknologjia për zhvillimin e kompetencave personale dhe profesioanle për të arritur rezultatet që dëshirojmë.

Pyetja më e shpeshtë që më drejtojnë: A mundem ta mësoj edhe unë këtë teknologji, pavarësisht nivelit skolastik që zotëroj?

Po, mundet kushdo!

Për ta kuptuar më mirë ju mund të më ndiqni në faqet zyrtare.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0