Bota është hidhëruar për humbjen e senatorin John McCain. Shumë gjëra po shkruhen për të, por ne do të fokusohemi tek disa detaje dhe ato që thuhen për karakterin dhe udhëheqjen e McCain-it, i cili shërbeu në Senatin e SHBA për dekada dhe kandidoi për president dy herë. Ju mund ta dini se ai ishte djali dhe nipi i Admiraleve të Marinës së SHBA. Pra, kur u burgos në Vietnam, donin ta dërgonin në shtëpi sa më shpejt, si një fitore publike.
McCain refuzoi. Si një oficer detar, ai e dinte se një person në një pozicion udhëheqës, duke pranuar atë favor, do të dëmtonte anëtarët e tjerë të shërbimit.
Si rezultat, burgosësit e tij e dënuan, duke e mbajtur pjesërisht në izolim për dy vjet. Ai e përshkroi këtë në një artikull të revistës, mbi 40 vjet më parë:
Mua nuk me lejohej të shihja, të bisedoja ose të komunikoja me ndonjë nga të burgosurit e mi. Dhoma ime ishte mjaft e mirë – ishte rreth 10 me 10. Dera ishte e fortë. Nuk kishte dritare. Ventilimi i vetëm vinte nga dy vrima të vogla në pjesën e sipërme të tavanit. Çatia ishte prej kallaji dhe nxehej si në ferr. Dhoma ishte e zbehtë – natë e ditën – por gjithmonë mbahej ndezur një llambë e vogël e lehta, kështu, ata mund të më vëzhgonin. Isha në atë vend për dy vjet.
Dy vjet në izolim, pa parë as edhe një fytyrë.
Kjo ishte gjysma e periudhës që ai kaloi si i burgosur lufte në Vietnam. Torturohej shpesh, siç ndodhte me shumë nga të burgosurit e tjerë. Megjithatë, refuzoi të përkulej.
“Ju nuk mund ta imagjinoni shembullin që dha John për pjesën tjetër të kampit duke bërë këtë”, i tha një tjetër i burgosur më pas autorit Robert Timberg.
Kur u kthye, McCain qëndroi në ushtri për një kohë ndërsa ishte student në Kolegjin e Luftës Detare. Në një dokument 40 faqesh (pdf) që shkroi gjatë asaj kohe, jep këshilla për ushtrinë mbi rregullat e të burgosurve të ardhshëm të luftës.
Shkurtimisht? Ai këshillonte që të ketë standarde të larta. Rregulla strikte dhe një kod sjelljeje.
McCain bëri shumë gabime në jetën e tij të mëvonshme. Ai u rrëfye për to shpesh. Shumë njerëz në të dy anët nuk u pajtuan me të politikisht.
Por kjo përvojë – ato dy vjet në izolim, kur duhej të përballonte çdo gjë vetëm, e formuan atë. Ai e kuptoi se të jesh një Lider i vërtetë, duhet të kesh parime themelore. Duhet ta dini se për çfarë po qëndroni. Në rastin e tij, kjo nënkuptonte të qëndronte edhe pse rezultati do të ishte zero – të qëndrosh si një Lider, kur nuk ia ke idenë nëse dikush po të degjon apo është i gatshëm të të ndjekë. Si një i ri, McCain e bëri këtë në një mënyrë shumë të drejtë. Pa të, asgjë tjetër nuk do të ishte e mundur. U prehsh në paqe John McCain: veteran, burrë shteti dhe udhëheqës i vërtetë amerikan.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
