A është e shëndetshme të ankohemi për problemet tona? - Business Magazine Albania

A është e shëndetshme të ankohemi për problemet tona?

Studiuesit thonë që është e këshillueshme të ndajmë pakënaqësitë dhe ankesat tona me dikë tjetër por ky proces mund të na shërbejë nëse kemi përballë një person që na jep këshilla me vlerë dhe na ofron mbështetje emocionale duke na ndihmuar të ulim nivelin e inatit.

Përndryshe, ankesa mund të na e përkeqësojë gjendjen tonë emocionale. Për shumë vite, psikologët mendonin se ishte e shëndetshme që njerëzit t’i shprehnin inatet dhe ngarkesat emocionale me qëllim të shkarkoheshin nga ato emocione. Por, vrojtime në vitet e fundit tregojnë që një proces i tillë mund ta rrisë nivelin e inatit sepse njerëzit e ripërjetojnë ankthin apo ngarkesën negative emocionale sërish.

LEXO: Pse mendësia është më e rëndësishme se IQ

Kjo sjell një pasojë tjetër negative: një sjellje e tillë mund të kthehet në zakon dhe njerëzit mund ta përsërisin më shpesh. Për shembull, studentët që përjetuan trauma kur u shembën 2 kullat binjake në Amerikë, përjetuan ankth edhe 4 muaj pasi kishin shpjeguar në detaje emocionet e tyre, krahasuar me ata që nuk e bënë një gjë të tillë.

Të ankuarit dhe shprehja e inatit mund të ketë efekt negativ edhe tek njerëzit përreth nesh.  Nëse duam të ankohemi për diçka, duhet të marrim parasysh që po ngarkojmë edhe të tjerët me emocione negative.

Një mënyrë e shëndetshme do të ishte që t’i kërkonim një personi të dashur që të na dëgjojë me vëmendje dhe të na japë perspektivën e tyre mbi situatën.

Greater Good

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0