A e kishit menduar një formë të tillë marketingu? - Business Magazine Albania

A e kishit menduar një formë të tillë marketingu?


Qyteti Bielefeld në Gjermani ka gjetur një mënyrë të veçantë të promovimit të vendit të tij. Bielefeld ofron 1 milion euro për cilindo që sjell prova se ky qytet nuk ekziston. Një qytet gjerman që daton në Shekullin 9-të, me 340 mijë banorë, një universitet, një kështjellë mesjetare … por a ekziston ky qytet me të vërtetë?

Bielefeld po ofron këtë çmim për këdo në Gjermani që mund të dëshmojë mos ekzistencën e qytetit. Grupi i marketingut të qytetit, i cili po zhvillon konkursin dëshiron të hedhë poshtë një teori konspirative 25-vjeçare. Në vitin 1994 një student publikoi në sistemin Usenet mesazhin, “Bielefeld? Nuk ka një gjë të tillë”. Mesazhi i Achim Held u bë një lojë që zgjati në Gjermani, derisa u bë virale me bumin e internetit.

Edhe Kancelarja Angela Merkel në vitin 2012, iu referua qytetit të Bielefeld, kur foli gjatë një ndarje çmimesh në Berlin. Ajo tha se ndoqi një ngjarje në Bielefeld, duke shtuar: “Ky qytet ekziston”. Publiku shpërtheu në të qeshura dhe zonja Merkel vazhdoi:

 “Kam përshtypjen se isha atje dhe shpresoj se mund të shkoj përsëri atje”.

Lexo: Çfarë duhet të dimë për përdorimin e emocioneve në marketing?

Rregullat e konkurrencës janë:

Gjermanët kanë kohë deri në 5 shtator të paraqesin provat e tyre që Bielefeld “nuk ekziston”. Në faqen e internetit për5 konkursin shpjegohet se provat mund të jenë në forma të ndryshme; foto, video ose tekst.

Ata thonë se janë 99,99% të sigurt se mund të hedhin poshtë çdo provë, por taksapaguesit nuk duhet të shqetësohen, pasi paratë e çmimit prej 1 milion euro do të financohen nga sponsorët e Bielefeld Marketing, në rast se do të gjendet një fitues.

BBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0