Sipas një raporti të ri të Guardian Advertising, gjithnjë e më shumë punonjës në Mbretërinë e Bashkuar po e mbyllin ditën e punës më herët të premten, duke i shtyrë zakonet e punës drejt një “jave me katër ditë”, edhe pse kjo nuk është zyrtarizuar.
Raporti Shift Happens 2025, i bazuar në një anketim me 1,300 të rritur në Mbretërinë e Bashkuar, grupe fokus dhe të dhëna të brendshme të Guardian-it, përshkruan se si po transformohet ritmi javor i britanikëve. Edhe në Australi, të dhënat duken të ngjashme, gjë që tregon se mund të jetë një trend global në zhvillim.
Ndërkohë, të dhënat zyrtare të ONS (Office for National Statistics) tregojnë se mes tetorit dhe dhjetorit 2024, mbi 200,000 persona më shumë punonin me një orar katërditor krahasuar me vitin 2019, rreth 11% e fuqisë punëtore.
Lexo edhe: Grok: Elon Musk, më i fortë se LeBron James dhe më i zgjuar se Leonardo da Vinci!
Pse kanë rëndësi ritmet e reja të jetës?
Mënyra se si organizohet jeta e përditshme ndikon në kulturë, familje, komunitet, dhe, në mënyrë pragmatike, në mënyrën si njerëzit konsumojnë media dhe shpenzojnë para. Raporti thekson disa ndryshime thelbësore: Nëse viti 2022 ishte viti i “lodhjes së përgjithshme”, atëherë 2025 është viti i vendosjes së kufijve. Ajo që dikur quhej “quiet quitting” tani është shndërruar në “quiet revenge clock-offs”, largime të heshtura, por të qëllimshme nga puna për të fituar më shumë kohë personale gjatë orarit zyrtar.
Çfarë tjetër po ndryshon?
-
Ne duam të nxjerrim maksimumin nga koha jonë: 64% e britanikëve thonë se “maksimzojnë aktivisht kohën e tyre”, ndërsa te lexuesit e Guardian kjo shifër ngjitet në 73%.
-
Po zgjohemi më herët: 63% zgjohen para orës 07:00. Për 65% prej tyre, dita perfekte nis herët dhe përfshin shoqërim me miqtë.
-
Po bëjmë pushime të vërteta fundjave: 45% shoqërohen më shumë të shtunën; 69% deklarojnë se fundjavat u japin më shumë “kohë për veten”; 57% thonë se fundjavat janë për “shijuar”.
-
Po qëndrojmë më shumë në shtëpi: Gati 4 nga 10 britanikë socializojnë më shumë në shtëpi sot sesa tre vite më parë.
Ky material është bazuar në raportin e Guardian Advertising.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
