A do të shkrihet Chrysler në takimin e radhës të bordit të FCA?


Chrysler, është një nga kompanitë më të vjetra amerikane të prodhimit të makinave. Por fati i saj, duket se nuk do të jetë edhe aq i mirë.

Sergio Marchionne, do të mbajë një takim me investitorët në Itali në datë 1 Qershor 2018. Në takimin që pritet të mbahet në Balocco, thuhet se  Marchionne me shumë mundësi do të “vrasë” një nga kompanitë me më shumë histori të grupit FCA. Larry P. Vellequette, specialist i grupit FCA raportoi për “Automotive News” se “një burim i tha një kolegu Europian se Marchionne do të deklarojë fundin e Chrysler në fjalimin e tij për investitorët”.

Ai gjithashtu mund të përmendi detaje për nxjerrjen e Fiat nga SHBA dhe Kina dhe të fokusohet tek Europa, Brazili dhe tregjet në zhvillim.

Këto lëvizje mund të krijojnë më shumë të ardhura për të investuar tek Jeep. Deri më tani, Jeep është brandi më fitimprurës i kompanisë.

Gjithashtu pritet që të prezantohen edhe produkte të reja. I tillë është një SUV më i vogël se Jeep Renegade. Gjithashtu edhe një SUV tjetër luksoz si Jeep Grand Wagoneer i cili pritet të konkurojë në “pjesën e sipërme” të segmentit.

Por lajme të mira (mund) të vinë nga ana tjetër për adhuruesit e makinave sportive të FCA. Maserati dhe Alfa Romeo, pritet të shkrihen në një divizion i cili do të prodhojë vetëm makina sportive. Një lëvizje e tillë duket goxha e mirë kur sheh se shijet e konsumatorëve sa vijnë e kompikohen më shumë.

Këto lëvizje pritet të jenë të fundit për Marchionne. CEO i FCA, pritet të japë dorëheqjen vitin që vjen. Kjo, pas 14 vitesh në kompani, ku përfshihet edhe shkrirja e Fiat me Chrysler.

Nuk dihet nëse të ndodhë me të vërtetë apo jo. Nëse, ndodh, do të jetë fundi i më shumë se 90 viteve histori të Chrysler në SHBA, por edhe në botë.

Burimi: MSN Auto

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale