A do të bënit tatuazh një logo në krahun tuaj për një iPhone falas?

Teknologjia mund t’u mundësojë njerëzve që të përmbushin disa gjëra me të vërtetë të mahnitshme. Sidomos interneti ka mundësuar një ndryshim masiv në mënyrën se si njerëzit jetojnë dhe komunikojnë. Tashmë është më e lehtë të bisedoni me mjekët tuaj dhe të bëni pazaret tuaja. Por, siç e dimë të gjithë, disa njerëz përdorin internetin për të bërë gjëra të çuditshme dhe të dyshimta. Një person i quajtur Phillip Harrison bëri pikërisht këtë. Z. Harrison bëri një tatuazh me logon e T-Mobile për një iPhone falas.

Më 8 Tetor, z. Harrison postoi në Twitter për t’i bërë një kërkesë CEOs së T-Mobile John Legere. Ishte shumë e thjeshtë: më ofro një iPhone 8 falas dhe unë do të bëj logon e T-Mobile në krahun tim. Z. Legere është i njohur për aftësitë e tij në mediat sociale dhe sjelljen avangarde, kështu që sigurisht që ai pranoi. Z. Phillips e bëri tatuazhin, postoi prova dhe më 11 Tetor ai kishte iPhone 8 në dorë.

Lexoni: 5 mënyra sesi të mësosh nga CEO i T-Mobile John Legere

Ne nuk jemi këtu për të gjykuar askënd se si të jetojë jetën e tij. Por mos harroni se një tatuazh ngelet aty përgjithmonë dhe lind pyetja a ja vlen për një telefon falas? Ka shumë arsye për të bërë tatuazhe. Ndoshta ju doni të përkujtoni një ngjarje të veçantë në jetën tuaj. Ndoshta ju doni të motivoni veten me një tatuazh që ju kujton të bëni më shumë. Por, një logo T-Mobile?

Nëse T-Mobile dëshiron të markojë klientët e tij si tabelat billboards, kjo mund të jetë një teknikë interesante marketingu. Me lançimin e iPhone X, ne kemi një ndjenjë se do të ketë shumë mundësi për ta bërë këtë.

burimi: AndroidAuthority