Futbollisti Lionel Messi mund të regjistrojë një markë tregtare nën emrin e tij. Kështu vendosi Gjykata Europiane e Drejtësisë pas një beteje ligjore nëntë vjeçare të futbollistit.
Një gjykatë e zakonshme në vitit 2018, argumentoi se fama e futbollistit Messi do të bënte që marka e tij të ngatërrohej me markën spanjolle të çiklizmit Massi. Që prej 2011, Messi është përpjekur të regjistrojë një markë tregtare nën emrin e tij në të gjithë BE-në me një logo që përbëhet nga shkronjat e emrit të tij, ku shkronja M kishte një dizenjo të veçantë.
Lexoni: Pas Cristiano Ronaldo-s edhe Messi bëhet miliarder
Kompania Massi apeloi kërkesën e futbollistit në Zyrën e Pronësisë Intelektuale të BE-së (EUIPO), duke thënë se emrat e markave tregtare do të ishin shumë të ngjashme. EUIPO vendosi në favor të kompanisë spanjolle Massi ndërsa ky vendim u apelua në gjykatë, e cila e hodhi poshtë. EUIPO dhe Massi apeluan vendimin e 2018 në GJED.
Messi, 33 vjeç, i cili mban fanellën me numrin 10, është kurorëzuar futbollisti më i mirë i vitit gjashtë herë dhe është futbollisti më i paguar në botë, sipas Forbes. Fitimet e tij totale për vitin 2020 arritën 126 milionë dollarë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
