Një pajisje elektrike që stimulon mbaresat nervore pas veshëve mund të jetë një trajtim i ri për ata që duan të humbin peshë.
Pajisja që është dizejnuar si kufje, dërgon sinjale elektrike në nervat vestibularë, të cilat janë të lidhura me pjesët e trurit që kontrollojnë ruajtjen e dhjamit dhe urinë.
Ideja është që kjo do t’i ndihmojë njerëzit të ndjehen më të ngopur. Rreth 200 njerëz po marrin pjesë në provat klinike të këtyre kufjeve.
Dietat mund të jenë efektive për disa, por shumë shpejt e rrisin peshën përsëri. Në një studim edhe pse njerëzit që mbajtën dietë humbën deri në 10 përqind të peshës së tyre fillestare në gjashtë muajt e parë, më pas, dy të tretat e tyre morën më shumë kilogramë sesa kishin humbur brenda pesë viteve, sipas shkencëtarëve në Universitetin e Kalifornisë.
Lexoni: Suksesi i Zoom gjatë pandemisë, arrin rekord të ardhurash
Kufjet e reja përbëhen nga dy elektroda të bashkangjitura që vendosen në lëkurë pas secilit vesh (aty ku qëndrojnë mbaresat nervore vestibulare). Kur aktivizohen, elektrodat lëshojnë impulse të nivelit të ulët të stimulimit elektrik. Ato mund të shkaktojnë një ndjesi shpimi gjilpërash pas veshëve.
Nervi vestibular është i përfshirë në kontrollin e ekuilibrit, por gjithashtu është i lidhur me hipotalamusin, një gjendër e trurit që merret me rregullimin e oreksit dhe ngrënies së ushqimit, si dhe normën metabolike dhe ruajtjen e yndyrës.
Studiuesit besojnë se oreksi dhe rregullimi i metabolizmit nga hipotalamusi mund të ndryshojnë nga një individ në tjetrin, prandaj disa njerëz shtojnë peshë më lehtë se të tjerët. Mendohet se stimulimi i pulsit ditor të nervit vestibular mund të nxisë hipotalamusin drejt uljes së oreksit, duke stimuluar prodhimin e hormoneve të tilla si leptina dhe insulina.
Lexoni: Netflix hap katalogun e saj falas, pa u regjistruar ose pa patur një abonim: ja si funksionon
Studimet e mëparshme kanë zbuluar se leptina i tregon trurit kur trupi ka ruajtur mjaft yndyrë, i cili nga ana tjetër frenon oreksin, ndërsa insulina rregullon përthithjen e sheqerit në gjak nga qelizat dhe lidhet me shtimin e peshës.
Provat klinike udhëhiqen nga profesor Carel le Roux, i cilia ka një reputacion ndërkombëtar në endokrinologjinë dhe trajtimin inovativ të mbipeshës. Nëse provat konfirmojnë përfitimin e parashikuar, klinicistët specialistë do ta konsiderojnë atë të paçmuar për shumë pacientë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
