Pas dy muajsh lëvizjeje me kufizime për shkak të pandemisë, linjat urbane në Tiranë kanë nisur të shpërndajnë sërish abonetë për qytetarët.
Duke nisur nga data 1 Shator, qytetarët e Tiranës mund të pajisen me abone njësoj si para situatës së pandemisë. Abonetë e urbanëve mund të gjenden në kioska, por ato shpërndahen edhe nga faturinot në autobusë.
Edhe pse me numër të kufizuar pasagjerësh, shërbimi urban në Tiranë ka rinisur që prej muajit qershor, por masat e përcaktuara nga protokolli shëndetësor kundër Covid-19, jo gjithmonë respektohen.
Në muajt korrik dhe gusht nuk ka pasur shpërndarje të aboneve për shkak se numri i qytetarëve që udhëtonin në urbanë ishte i ulët. Për shkak të rrezikut për përhapjen e infeksionit, transporti urban ishte një nga aktivitetet e shumta që u mbyllën, që prej fillimit të pandemisë në vendin tonë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
