Apple kapërceu gjigantin e naftës saudite Aramco, dhe u bë kompania me vlerën më të lartë të tregut në botë. Pas njoftimit të fitimeve tremujore, aksionet e Apple u rritën 10.47 përqind, duke e çuar vlerën e tregut të kompanisë në 1.84 trilion dollarë.
Saudi Aramco, e cila ka qenë kompania më e vlefshme që nga dalja në publik vitin e kaluar, tani ka një vlerë prej 1.76 trilion dollarë. Fitimet e mëdha të Apple në tremujorin e tretë fiskal, të njoftuar të enjten, rritën çmimin e aksioneve.
Kompania e ka marrë veten nga rënia pandemike në Mars. Aksionet janë rritur më shumë se 44% këtë vit. “Përkundër goditjeve nga koronavirusi, Apple ka rritur të ardhurat me 14%, në çdo segment dhe në çdo pjesë të botës,” thotë analisti i bankave Morgan Stanley.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
