Gjatë periudhës së COVID-19, përveç stafit mjekësor, brenda spitaleve COVID në Shqipëri kanë qenë të pranishëm edhe inxhinierët e pajisjeve mjekësore. Një prej tyre është inxhinieri fizikant Ermand Mertenika, i cili është i specializuar në pajisjet respiratore.
Në një prononcim për BusinessMag, inxhinieri thotë se aktualisht situata është nën kontroll, për shkak të numrit të menaxhueshëm të pacientëve të shtruar. Megjithatë virusi ende nuk ka kaluar, prandaj qytetarët duhet të respektojnë me përpikmëri masat e distancimit social, vendosjen e maskave dhe dezinfektimin e vazhdueshëm të duarve, shton më tej ai.
Mosrespektimi i masave anti-COVID mund të sjellë një kaos pacientësh të infektuar, gjë që do të sillte përhapjen e një vale të dytë të virusit. Teksa na tregon për fillimin e shpërthimit të pandemisë në Shqipëri dhe ecurinë përgjatë 3 muajve, inxhinieri Mertenika shprehet se kurimi i rasteve emergjente është bërë i mundur farë teknologjisë dhe respiratorëve të sofistikuar.
Lexoni: Pandemia nxit novacionet në fushën e mjekësisë
Ai e ka ndjekur nga afër të gjithë situatën e virusit brenda spitaleve COVID në Shqipëri, prandaj bën thirrje që në rastet kur qytetarët shfaqin siptoma si: temperaturë, kollitje, këputje trupi apo dhimbje muskujsh të kontaktojnë menjëherë me strukturat shëndetësore.
“COVID-19 është një virus agresiv, i cili po bashkëjeton me ne, prandaj duhet të zbatojmë masat antivirus, për të shmangur një valë tjetër të mundshmë”, u shpreh inxhinieri Mertenika.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
