Kreu i qeverisë, në një komunikim ‘live’ me publikun nga Facebook-u i tij, bëri me dije se lista e bizneseve, që do të mund të ushtrojnë aktivitetin e tyre do të publikohet sot në e-Albania, mënyrë që bizneset të njihen me protokollin e ri të rregullores që duhet të ndjekin.
“Në e-Albania do të publikohen sot aktivitete që do të hapen prej datës 27 prill. Dhe çdo aktivitet ka edhe kodin e vet përkatës me anë të të cilit do të monitorohet. Me këtë bllok të dytë ne rikthejmë në punë 27 589 punonjës të regjistruar në qendrën e punës”, deklaroi kryeministri.
Teksa lajmëroi hapjen e shërbimit taksi për javën që vjen Rama shtoi se ky shërbim ka protokollin e vet të veçantë që ka specifikën e vet, me vetëm një person brenda, diagonal me shoferin.
Bizneset që do të kenë mundësi të hapen prej 27 prillit janë:
- Shitje të tjera me pakicë në dyqane jo të specializuara
- Tregtia me pakicë e veshjeve në dyqane të specializuara
- Shitje me pakicë të mallrave të tjera të reja në dyqane të specializuara
- Aktiviteti i taksive
- Tregtia me pakicë e tekstileve në dyqane të specializuara
- Tregtia me pakicë e këpucëve dhe artikujve prej lëkure në dyqane të specializuara
- Aktivitete te tjera p.k.t
- Tregtia me pakicë e mobiljeve, pajisjeve të ndriçimit dhe artikujve shtëpiakë në dyqane të specializuara p.k.t
- Tregtia me pakicë e luleve, bimëve, farave, plehëruesve, kafshëve të shtëpisë dhe ushqimit të tyre në dyqane të specializuara
- Tregtia me pakicë e orëve dhe bizhuterive në dyqane të specializuara
- Tregtia me pakicë e pajisjeve audio dhe video në dyqane të specializuar, regjistrimi i zërit dhe aktivitete të publikimit të muzikës
- Tregtia me pakicë e qilimave, sixhadeve, veshjeve të mureve dhe dyshemeve në dyqane të specializuara
- Tregtia me pakicë e lojërave dhe lodrave në dyqane të specializuara
- Tregtia me pakicë e regjistruesve muzikorë dhe video në dyqane të specializuara
- Tregtia me pakicë e pajisjeve sportive në dyqane të specializuara
- Shitje me pakice e sistemeve te sigurise/ pajisjet e telekomunikacionit ne dyqane te specializuara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
