Ja cilat janë destinacionet shqiptare që nuk duhen humbur këtë fundvit

Edhe pak ditë na ndajnë nga mbyllja e vitit dhe për të gjithë ata që zgjedhin të mos festojnë në shtëpi, apo për shumë asrye të ndryshme nuk mund të festojnë jashtë, ka mjaftueshëm opsione.

Një ndër ta është Shqipëria. Jetojmë në një vend i cili karakterizohet nga kushte klimatike të favorshme për pushimet e verës e për ato të dimrit. Çdo ditë e më shumë shqiptarët po prenotojnë udhëtime brenda vendit. E për këto festa fokusi është veriu i vendit dhe zona e Korçës.  Kjo për shkak të pamjes së adhurueshme që të ofrojnë këto zona në këto ditë festash.

Destinacionet me borë janë ata që kanë fluksin e rezervimeve. Kjo për shkak se ka pista skiimi dhe për shkak të ushqimit tradicional që shërbejnë bujtinat e zonave. Një karakteristikë tjetër tërheqëse është ngrohja natyrale me dru edhe oxhaket, si dhe mikpritja e ngohtë e tyre kryesisht guesthous-et.

Lexo: Stambolli, destinacioni i preferuar i shqiptarëve për festat e fundvitit

 “Çmimet relativisht janë të kënaqshme dhe për këtë arsye edhe numri i prenotimeve ka ardhë në rritje”, shprehen përfaqësuesit Guida Outdoors Albania.

Për BusinesMag.al Eltoni na tregon zonat që kanë fluksin më të madh të turistëve. Ja cilat janë  disa prej tyre: Korçë, Dardhë,Voskopojë, Lugina e Valbonës, Bajram Curri, Prizreni, Dardha, Pukë, Prevallë, Brezovicë, Prizren, Bogë, Rugovë, Strugë, Ohër, Mavrovë, Kodrat e Diellit, Tetovë.

Ndërsa përsa i përket bujtinave, numri i rezervimeve është relativisht i lartë, përjashtuar bujtinat që janë në zona të thella, të cilat e kanë mbyllur aktivitetin e tyre këtë sezon për shkak të kushteve të vështira klimatike.