Stambolli, destinacioni i preferuar i shqiptarëve për festat e fundvitit

Stambolli, destinacioni i preferuar i shqiptarëve për festat e fundvitit


Festat e fundvitit vijnë edhe me vendimet se ku do t’i kalojmë ato. Një pjesë e mirë e popullsisë, shpenzojnë mjaftueshëm për këto festa, duke planifikuar edhe udhëtime jashtë vendit.

Për BusinessMag.al agjensitë turistike shprehen se Stambolli prej shumë vitesh kryeson si një nga destinacionet më atraktive dhe madje edhe këtë vit po mban rendin e parë. Vendet e rajonit kryesisht, Greqia, Mali i Zi dhe Maqedonia janë gjithashtu destinacione të kërkuara, kryesisht nga familjarë. Kjo favorizohet nga afërsia dhe kostoja e ulët e rrugëtimit. Qytetet Italiane dhe Praga, gjithashtu mbeten destinacione shumë të preferuara sidomos për Krishtlindje.

Për BusinessMag.al agjensia e udhëtimeve Kalemi Travel and Tours shprehet se një interes të madh këtë vit është shfaqur edhe për destinacionet si Dubai dhe Vjena. Ndërsa agjensia Metro Travel thotë se krahasuar me dy vite më parë interesi për të prenotuar një biletë për të kaluar festat e  fundvitit jashtë, është rritur ndjeshëm. Ajo që vërehet dukshëm sipas intervistave të zhvilluar nga BusinessMag.al është fakti që rezervimet bëhen që në data të hershme, për faktin se biletat mund të prenotohen më një çmim të arsyeshëm.

Biletat që prenotohen janë paketa të plota, që përshijnë fluturimin, akomodimin, ushqimin dhe guidën. Përfaqësuesit e Metro Tours thonë se, nuk mungojnë as prenotimet për vendet me borë si: Mavrovë, Kolashin, Brezovicë.

Lexo: Destinacionet më të bukura të Shqipërisë sipas SwedishNomad

Por si ka ndikuar tërmeti në këtë prag festash?

“Tërmeti ka ndikuar në uljen e kërkesës për të udhëtuar jashtë. Shikohet një tendencë që njerëzit të qëndrojnë në Shqipëri këtë vit, pranë të afërmve. Këtë e vërtetoi edhe një anketim në Facebook që bëmë para pak ditësh, ku vetëm 30% u shprehën se do t’i kalonin festat jashtë Shqipërisë”, thonë përfaqësuesit e Kalemi.

Nisur nga çmimet e biletave, vihet re se vendet si Kolashin, Mavrov dhe Brezovica janë destinacionet me çmimet më të ulëta, të cilat fillojnë nga 39-60 euro, ku përgjithësisht janë paketa. Destinacione si Praga, qytete të Italisë, Stambolli, e shumë destinacione të Europës kanë çmime mesatarisht të arritshme, ku variojnë nga 150 euro deri në 400. Dubai dhe vende të tjera, të cilat janë gjithmonë të frekuentuara nga një targertgrup i caktuar kanë çmime mbi 1000 euro.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0