Nga Pascal Finette, autor
Një nga pyetjet më të zakonshme që marr pas konferencave të mia, është “Çfarë duhet t’u mësoj fëmijëve të mi në këtë botë që po ndryshon në mënyrë të vazhdueshme?” Unë e filloj përgjigjen time disi me shaka duke i thënë audiencës se ata duhet t’ia fillojnë duke i nxjerrë fëmijët e tyre nga shkolla – pasi shumica e shkollave thjesht nuk i përgatisin fëmijët tanë në mënyrë të duhur për të ardhmen.
Në një botë ku ne do të kemi inteligjencë artificiale kudo, robotë që i zëvendësojnë gjithnjë punët fizike të njeriut, kompjuterat vazhdojnë të bëhen më të mirë dhe më të lirë dhe ku të gjithë ne jemi në gjendje të komunikojmë, bashkëpunojmë dhe mësojmë nga njëri-tjetri me vetëm disa klikime në ekranet e telefonave tanë inteligjentë – shumica e njohurive dhe aftësive që na kanë shërbyen mirë para një ose dy dekade më parë, nuk na hyjnë më në punë.
Në vend që të përpiqemi të qëndrojmë përpara teknologjisë, ne duhet të përqendrohemi në aftësitë që na bëjnë njerëzor në mënyrë unike: Empatia, bashkëpunimi, zbulimi i problemit, zgjidhja komplekse e problemeve, marrja e vendimeve në situata të paqarta, kreativiteti…
Ne duhet të sigurohemi që fëmijët tanë të bëhen njerëz më të mirë – jo makina më të mira.
Por kjo nuk vlen vetëm për fëmijët tanë: Të njëjtat aftësi që u duhen fëmijëve tanë në këtë botë të re, janë ato që e bëjnë një ndërmarrës të suksesshëm! Sipërmarrësit më të mirë janë ata që e kuptojnë se çfarë i nevojitet klientit të tyre, ata të cilët janë aq empatikë sa ta shohin botën me sytë e tyre.
Ajo që është e mirë për fëmijët tuaj është e mirë për ju – dhe anasjelltas.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
