Startup Grind Tirana e fillon vitin me të ftuarin Artan Hoxha - Business Magazine Albania

Startup Grind Tirana e fillon vitin me të ftuarin Artan Hoxha


Startup Grind Tirana e nis këtë Vit të Ri 2019 me të ftuar Z. Artan Hoxha. Duke ju uruar një Vit të Ri të gëzuar dhe të begatë, ekipi i Startup Grind Tirana ju falenderon për mbështetjen tuaj të vazhdueshme dhe që jeni pjesë e komunitetit. Duke shpresuar që të keni një fillim viti fantastik ju ftojmë në eventin e parë për këtë vit më 31 JanarProtik Innovation Center. I ftuari i parë i këtij viti është Z. Artan Hoxha.

Artan Hoxha është një nga themeluesit dhe president i Tirana Business University, institucion privat i arsimit të lartë, i cili ofron programet e ciklit të parë dhe të dytë në fushat e përgjithshme të menaxhimit të biznesit, ekonomisë dhe juridikut. Ai është një analist i mirënjohur lidhur me çështjet ekonomike, ligjore, institucionale dhe politike dhe shumë aktiv në media dhe në shtypin ditor. Z. Hoxha është drejtor i Institutit të Studimeve Bashkëkohore që promovon dhe mbështet zhvillimin e sistemeve demokratike dhe të tregut të lirë, si dhe integrimin e Shqipërisë në Europë.

Rezervoni biletën tuaj online dhe përfitoni nga oferta Early Bird deri më 29 Janar në linkun: http://bit.ly/2CFl6Nu

Sigurohuni që të jeni atje dhe të takoheni personalisht me folësin tonë dhe të shkëmbeni kontaktet tuaj me shumë njerëz të mrekullueshëm gjatë sesioneve të rrjetëzimit, ndërsa provoni menunë e ushqimit fingertips.

Ju mirëpresim!

Startup Grind është një komunitet global i startup-ve i krijuar me qëllimin për të edukuar, frymëzuar dhe bërë bashkë sipërmarrësit nga e gjithë bota me njëri-tjetrin. Evenimenti organizohet në më shumë se 500 qytete dhe mbi 125 vende në të gjithë botën ku marrin pjesë themeluesë lokalë, inovatorë, edukatorë, investitorë të suksesshëm, të cilët ndajnë historitë e nisjes së biznesit dhe mësimet e mësuara në rrugën e ndërtimit të kompanive të suksesshme.

Intervistat mujore në Startup Grind me një të ftuar të fushës së biznesit dhe investimeve japin një mundësi të shkëlqyer për networking dhe vendosjen e lidhjeve afatgjata dhe të besueshme midis aktorëve pjesëmarrës në event. Duke parë impaktin pozitiv në dhënien e shembujve konkretë për të rinjtë që kanë ide dhe duan të katapultohen në botën e biznesit, Business Magazine ju fton të merrni pjesë dhe të shpalosni idetë tuaja, sugjerimet, inovacionin dhe të jeni pjesë aktive e komunitetit më të madh në vend të startup-eve. Për më shumë informacione ju ftojmë të vizitoni adresën StartupGrind.com.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0