Zelanda e Re renditet sipas Bankës Botërore, si vendi më i mirë në botë për të filluar dhe drejtuar një biznes për vitin 2018, duke lënë pas kështu Singaporin, Danimarkën dhe Hong Kongun.
Britania e Madhe ra në vendin e nëntë, ndërsa Norvegjia u ngjit në vendin e shtatë në një vit kur Banka Botërore tha se qeveritë kanë çuar përpara një numër rekord reformash ndaj rregulloreve të biznesit dhe rregullave tatimore për të mbështetur bizneset private.
Maqedonia, Emiratet e Bashkuara, Malajzia dhe Mauritius listohen si vendet më miqësore ndaj biznesit, në listën e në 20 vendeve nga Banka Botërore që renditen ndër më të lartat.
Presidenti i Grupit të Bankës Botërore Jim Yong Kim tha se sektori privat luajti një rol të rëndësishëm në “krijimin e rritjes së qëndrueshme ekonomike dhe reduktimit të varfërisë në të gjithë botën”.
“Rregullat e drejta, efikase dhe transparente, të cilat bëjnë promovimin e Të Bërit Biznes, janë themeli i një ekonomie të gjallë dhe mjedisit sipërmarrës”, tha ai. “Është e nevojshme për qeveritë të përshpejtojnë përpjekjet për të krijuar kushtet për sipërmarrjen private që të lulëzojë dhe komunitetet të përparojnë”.
Raporti thekson përpjekjet e vendeve në zhvillim për të zbatuar pagesat elektronike të taksave, proçedurat e shpejta për ngritjen e një biznesi dhe koston e ulët dhe lehtësinë e zgjidhjes së mosmarrëveshjeve. Pikërisht këto elementë e bëjnë Zelandën e Re, vendin më të mirë për të bërë biznes.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
