Dilema nëse ky guxim do t’ia vlente, thotë Graniti, mori fund kur nisi start-upin e tij ‘Instant.al’, që sot ofron zgjidhje të shpejta.
Një vit më pas, kompania ka një ekip duke e zgjeruar gamën e klientëve dhe produkteve. E gjitha kjo për të qenë më pranë botës së biznesit me zgjidhjet më të shpejta dhe më të mira në treg. Por, si arrihet rezultati maksimal? Graniti tregon se një nga shërbimet është edhe marketingu dixhital, një opsion ky i nxitur dhe i detyruar nga koha që jetojmë; atë të rrjeteve sociale dhe motorëve të kërkimit.
“Motoja jonë është cilësia, inovacioni dhe shpejtësia” – thotë drejtuesi i Instant.al. “Këto janë fjalët kyçe që në karakterizojnë në punën tonë” – vijon ai më tej.
Më konkretisht, Instant.al sot ofron Web Design, Ecommerce Solutions, Online Marketing, IT Solutions, Mobile APP, ERP & CRM.
“Ajo që na motivon është dëshira, puna dhe vendosmëria për të marrë projekte që na sfidojnë dhe na ringjallin profesionalisht dhe personalisht. Ekipi ynë punon së bashku dhe në harmoni me klientët, duke siguruar që çdo projekt të dorëzohet në kohë dhe me standardet më të larta” – thotë Granit Gjana.
Instant.al është një kompani që e përdor teknologjinë për të ndihmuar klientët të rriten në mënyrë të qëndrueshme.
“Ne krenohemi në etikën, integritetin dhe përsosmërinë tonë të punës. Më në fund po ofrojmë zgjidhje për pothuajse të gjitha industritë përfshirë arsimin, qeverisjen, teknologjinë informative (IT), komunikimin, shitjen me pakicë, financat, shëndetësinë, argëtimin, mobileritë, ndërtimet, turizmin etj” – shprehet drejtuesi i Instant.al
Kompania në fjalë ofron zgjidhje të plota për faqet e internetit përmes paketave të përgatitura për individë, biznese të vogla, të mesme dhe të korporatave.
“Rrugëtimi ynë ka kaluar përmes shumë sakrificash, por gjatë këtij rrugëtimi ne kemi mësuar se objektivat mund të arrihen vetëm me përkushtim. Dhe gjej rastin t’u bëj apel të rinjve se sipërmarrja është e vështirë por jo e pamundur. Nuk mund të lë pa falënderuar dhe stafin e Tirana Business University (TBU) që më ka asistuar dhe më ka ofruar çdo mbështetje” – shprehet Granit Gjana, i cili shton se Instant.al ka objektiva të reja për të arritur në të ardhmen…
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
