Një në tre lekë të eksportuara jashtë vendit, ka ardhur nga nafta ose energjia elektrike. Shirat favorizuan KESH të prodhojë më shumë, ndërsa në tregun ndërkombëtar çmimet e lëndëve të para ishin më të larta se një vit më parë, duke bërë që t´i gëzohemi eksportit të naftës, dhe mineraleve të ngurta.
Sipas të dhënave të publikuar nga INSTAT, në qershor eksportet u rritën gati 18%, duke bërë që në gjashtë muajt e parë të vitit eksportet të ishin mbi 18% më shumë se gjysma e parë e vitit 2017.
Të dhënat (edhe ato të viteve të kaluara) tregojnë se tregtia jonë është e diktuar tërësisht kushtet natyrore në vend dhe ecura e çmimeve jashtë.
Sipas INSTAT, rritja është ndikuar nga “minerale, lëndë djegëse dhe energji” dhe “materiale ndërtimi e metale”. Eksportet e mineraleve dhe energjisë u rritën me 34% ndaj një viti më parë me gati 31 miliardë lekë eksporte në total. Të dytat për nga niveli i rritjes janë produktet “materiale ndërtimi e metale”. Ato patën 29 % rritje ndaj 6 mujorit të parë 2017.
Lexoni: Zhvlerësimi i euros. Ahmetaj: eksportet nuk u goditën, të ardhurat në buxhet po
Ndërkohë, mallrat më të eksportuara vijojnë të mbeten tekstile e këpucë, të punuara në Shqipëri. Në 6 muaj u eksportuan mallra me vlerë mbi 60 miliardë lekë. Por, dinamika e komnpanive të këtij sektori është pak më e ngadaltë. Vlera e eksporteve u rrit gati 10% krahasuar me një vit më parë, pra tre herë më pak se nafta apo energjia.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
