Ndryshon Buxheti 2018. Ministria e Financave: miratohet bonus për pensionistët

Rishikimi i buxhetit të shtetit në mes të vitit është bërë praktikë tashmë. Një ditë më parë Këshilli i Ministrave ka miratuar disa ndryshime në buxhet që pritet të kalojnë në Kuvend deri në mes të shtatorit.

Të ardhurat relativisht të ulëta nga taksat dhe tarifat, ngjallën dyshimet se buxheti ka ulur shpenzimet dhe investimet, por Ministria e Financave është përgjigjur se buxheti i ndryshuar do të rrisë vlerën totale të investimeve, ndërsa brenda projekteve ka pasur rialokime (rishpërndarje të financimit).

Ndërhyrjet në Aktin Normativ të Buxhetit, sipas njoftimit zyrtar të ministrisë parashikojnë:

Lexoni: Zhvlerësimi i euros. Ahmetaj: eksportet nuk u goditën, të ardhurat në buxhet po

• Nxitjen e realizimit të investimeve publike dhe rritjen e eficencës së përdorimit të burimeve përmes rialokimeve dhe shtesave në favor të projekteve me ecuri më të mirë;
• Krijimin e paketës së solidaritetit për pensionistët dhe familjet në nevojë për fundvit. Për këtë të fundit është parashikuar një bonus vjetor shtesë për pensionistët me një vlerë totale në buxhet prej 3 miliardë Lekë

Lexoni: 2017: të ardhurat në buxhet rriten 5.9%. Nuk “duket” rivlerësimi i pasurisë, apo aksioni antiinformalitet

Për rritjen e investimeve financat theksojnë se vlera totale pritet të jetë këtë vit, 86.7 miliardë Lekë, (5.3% e prodhimit të brendshëm bruto), në rritje të lehtë krahasuar me parashikimin e fillimvitit.