Pjesmarrësit e Sfida IDEA inovojnë në produktet dhe shërbimet e tyre

Pjesmarrësit e Sfida IDEA inovojnë në produktet dhe shërbimet e tyre


Në Durrës deti të thërret. Por, 50 të rinj që po synojnë të hyjnë në botën e biznesit, apo sapo kanë ndërmarrë një nismë private, janë të zhytur kokë e këmbë në trajnimin që zhvillohet në auditoret e Universitetit  “Aleksander Mojsiu”.

Bëhet fjalë për fazën e dytë të trajnimit IDEA. Ushtrimet praktike që i fusin të rinjtë në situata reale biznesi janë të përqëndruara kësaj radhe në inovacion.

Drejtuesit e trajnimit thonë se, në këtë fazë trajnimi, pjesëmarrësit kanë mundësi të aplikojnë metoda për të inovuar produktet dhe shërbimet e tyre, për t’i bërë sa më unike e të veçantë.

Jetona Myteveli, Koordinatore e projektit, thotë se, “IDEA kaloi në fazën e dytë dhe nga 400 pjesëmarrës janë përzgjedhur vetëm 120. Ata do të kenë mundësi të kalojnë në tre module mbi kompetencat e avancuara të biznesit. Një modul ka trajtuar çështje të planit të biznesit e zhvillimit të produktit. Sot i jemi dedikuar fushës së inovacionit dhe më pas do të ketë një modul të tretë për çështjet e financave”.

Trajnimi në Durrës përfshin gjysëmfinalistët që vijnë nga veriu dhe zona e Shqipërisë së Mesme. Sipas Mytevelit, “IDEA ka në fokus inovacionin për të krijuar biznese që kanë mundësi të krijojne vende pune, potencial për t’u rritur dhe për të qenë sa më unikë”.

Pas njohjes me metodën e inovacionit, pjesmarrësit kanë kohë ta aplikojnë në produktet dhe shërbimet e tyre. Sipërmarrësit e rinj prezantuan inovacionin e tyre parë audituesve të inovacionit. Në fund, ata përzgjodhën tre idetë më inovatore, të realizueshme, me kosto të përballueshme, dhe të pëlqyera nga konsumatori.

Ilir Rembeci, ekspert në këtë fushë, tregon se grupi që asistoi kishte ide dhe aplikime inovatore. “Idetë janë nga më të ndyshme, në sektorin e IT, në agroturizëm, etj.”, Por, sipas tij, është sfidë zbatimi i duhur i tyre.

Pjesmarrësit janë entuziastë për trajnimin. Ata thonë se po thyejnë disa korniza kufizuese në mendjet e tyre përmes ushtrimeve të IDEA-s.

Pas Durrësit, trajnimet për inovacionin po zhvillohen këtë fundjavë në Tiranë dhe Vlorë.

Trajnimi IDEA. Pjesmarrësit inovojnë në produktet dhe shërbimet e tyre

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #36 - Tetor 2024

Vjeshta solli rikthimin e aktiviteteve biznesore në ritmin e tyre të plotë, pas pushimeve të verës. Sipërmarrjet shqiptare, me dinamikat e tyre të pandalshme, janë aktualisht para një sfide dhe mundësie më të madhe. Proceset e përafrimit me BE-në krijojnë një mundësi për një treg më të madh, por kjo kërkon njëkohësisht përgatitjen të duhur për tregun.

Eventet e fundit, veçanërisht Future2Tech, tregoi se shumë kompani shqiptare, kryesisht në fushën e zhvillimit të Softwareve, po punojnë tashmë për tregun e huaj dhe janë kompani ndërkombëtare në kuptimin e plotë të fjalës. 

Në brendësi të këtij numri ne kemi sjellë histori brandesh dhe histori njerëzore; histori sipërmarrësish dhe profesionistësh, të cilët kanë investuar kohë dhe pasion në punët e tyre për të parë rezultatet që duken sot. Një prej brandeve për të cilin flasim sot, mbyll 3 dekada biznes në Shqipëri, diçka që vlen të marrë përgëzime nga të gjithë. 

Histori nga vendi dhe diaspora, rrugëtime në tregti, shërbim, apo edhe konsulencë, ky numër sjell një gamë të gjerë artikujsh, të shtrirë madje mes biznesit dhe artit, të cilat, kur ndërthuren, sjellin zhvillime shumë të bukura për shoqërinë.

Interesant është fakti se kushdo që …

Shiko më shumë
Na ndiqni në rrjetet sociale
0