Ndërkohë që Dodge Challenger po hyn në modelin e vitit 2019, u pa nevoja për pak çmenduri më tepër. SRT Demon u prezantua vitin që shkoi dhe është një nga makinat e rrugës më të çmendura dhe me filozofinë më të çmendur ndonjë herë.
Hellcat Redeye, do të ketë nën kofano të njëjtin motorr 6.2 liter V8 supercharged. Por tashmë me 797HP dhe 959Nm torque. Kjo rezulton në 0-100 për 3.4 sekonda, 1/4 milje në 10.8 seconds @ 210km/h, dhe shpejtësi maksimale prej rreth 330km/h. Me pak fjalë, standard supermakinash.
Modeli SRT Hellcat gjithashtu do të prodhojë më tepër fuqi në versionin e vitit 2019. 717hp nga 707, dhe 890Nm torque nga 881. 1/4 miljes për 10.9 sekonda.
Vlen të përmendet se kohët e regjistruara janë bërë me versionet “widebody”. Me versionet normale, mund të ketë një përmirësim prej rreth 0.3 sekonda të kohës.
Çmime zyrtare egzakte ende nuk janë publikuar. Por, Dodge thotë se Hellcat Redeye do të fillojë nga rreth $70.000.
Lajme të mira vinë për ata me buxhet të limituar. Tashmë “widebody” të Hellcat Redeye, mund t’a vendosni tek R/T Scat Pack. Modeli në fjalë, ka një motorr me aspirim natyral 6.4L V8 me 485HP dhe 644Nm torque.
Për më tepër, modelet e vitit 2019, marrin edhe një dizajn të ri të kofanos. Versioni më predominant është ai me 2 të çara i inspiruar nga Dodge e viteve 60-70.
Modelet Hellcat përfitojnë edhe disa gjëra nga Hellcat Redeye. Të tilla janë Launch Control, Launch Assist, Line Lock and Torque Reserve.
Launch Control, Launch Assist dhe Line Lock, do të gjenden edhe tek R/T Scat Pack. Gjithashtu merr edhe një shasi të modifikuar nga SRT, suspensione më të forta. Gjithashtu, edhe një bisht i vogël në bagazhin e makinës.
Këto përditësime të Challenger, së bashku me ato të Charger, mbyllin punët, derisa Dodge të prezantojë modelet e reja, diku nga viti 2021. Më herët këtë muaj, Sergio Marchione, CEO i FCA ku Dodge bën pjesë u shpreh për Motor Authority se modelet e reja do të jenë të bazuara tek platformat aktuale. Më parë, u mendoa se do të merrnin platforma nga Alfa Romeo ose nga Maserati.
Shitja e modeleve të përmendura më siper, fillon në vjeshtë 2018.
Burimi: Motor Authority
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
