Shpërndarja e picave falas për të gjithë, nis me një ftesë për të festuar në shëtitoren “Vollga” të qytetit të Durrësit.
Një portë e hapur pritëse e Picave, pranë ëmbëlsirave të Çelës, të thërret me muzikë italiane me motivin e rikthimit “Ci ritorno” në qendër të piacës bregdetare.
Sot, statusi i një kuzhineri të talentuar në shoqëri, mund të jetë edhe më i rëndësishëm praktikisht se i një politikani apo drejtuesi sportiv.
Menuja e zgjedhur relaksuese e shef Qazim Xifaj, në përurimin e picerisë me furrë druri, është edhe ajo e sallatës me fruta deti, peshqit në furrë dhe antipastat si të ftohta edhe të ngrohta. Nga kuzhina e traditës kombtare kuzhinieri durrsak ndalet te byrekët me erëza, tava e baltës e Elbasanit dhe japrakët. Martesa shqiptaro italiane sipas tij qëndron tek miksimi i picës me rajonin e Durrësit, kjo është “Pica Durrësi” ose “Pizza Durrazzo”, recetën e të cilës nuk mund ta zbuloj tani herët.
Në variacionet e pjatave të realizuara me pasion, filtrave të kuzhinave Perëndimore e Lindore të prurjeve nga emigrantët, po gjallon një konkurrencë e shëndetshme në këtë zeje kaq të ndjeshme për publikun.
“I sugjeroj kuzhinerëve të rinj të ruajnë e të kenë si yll polar pasionin, sepse kuzhina është art dhe kuzhinierët për mua janë si artistë të cilëve u duhet qetësi dhe relaks.”
Në krahun e djathtë të Shef Qazimit, qëndron aleati i tij më i mirë, menaxheri Elvis Arifi, i cili nuk ngurron të tregojë kualitetin e ri të shërbimit dhe prurjeve të kuzhinës mes dhjetëra të ftuarve. Ata janë tubuar gëzueshëm si në një martesë apo ditëlindje të pemës së familjes.
“Çdo njeri, thotë Elvisi, mund të kërkojë masën e tij të picës me risinë e “Pizza a Metro “, pra pica e shtrirë në gjatësi.
Pica më e re e krijuar në formë artizanale nga picieri Fadil Vrioni, në zonën më të frekuentuar të pedonales së Epidamnusit antik, mbështetet mbi kolonat e përvojës në Itali të realizuesit të kësaj “shtëpie mikpritëse të Picës”.
Gjithashtu kjo nënkupton edhe praninë e shefave italianë të kuzhinës krahas atyre shqiptarë, në ndërthurjen e dijeve mbi shijet dhe aromat e të dy vendeve dhe të përbashkëtat e tryezave.
E kuqja, jeshilja dhe e bardha treten natyrshëm mbi një truall Kuq e Zi ngjyrash e njollash në dekorin festiv të Picerisë “Ci ritorno”. Ndoshta Dashuria e udhëtarëve në Durrës, nuk fillon vetëm nga stomaku, por një motiv i bukur nxitës për të Dashuruarit e Shën Valentinit në 14 Shkurt, është edhe trokitja e gotave të verës së kuqe pranë flakës romantike të pasionit.
Intervistoi: Andi Bica
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
