Akademia Verore 2017 e SME-ve, mundësia ideale për sipërmarrësit e rinj - Business Magazine Albania

Akademia Verore 2017 e SME-ve, mundësia ideale për sipërmarrësit e rinj


Instituti Shqiptar i SME-ve, SME Albania në bashkëpunim me Köstinger Consulting, njofton organizimin e edicionit të parë të “Akademia Verore e SME-ve” në datat 10 – 16 Korrik 2017, në Qendrën Rinore Tiranë.

Akademia Verore e SME-ve është një program 6 ditor që i ofron SME-ve, bazën e nevojshme teorike dhe praktike që atyre u nevojitet për t’u përshtatur me ndryshimet e shpejta me të cilat përballet ekonomia jonë, për të qenë sa më konkurrues në treg dhe për të lehtësuar procesin e ndërkombëtarizimit.

Akademia Verore e SME-ve 2017 kërkon të pajisë pjesëmarrësit me njohuri teknike në tre fusha kryesore:
– Standardet – Cilësia, Shëndeti dhe Siguria, Menaxhimi i zinxhirit të furnizimit, Inovacioni në kompani.
Parashikimi i shitjeve – Të drejtat e pronësisë intelektuale, Aksesi në financim, Menaxhimi i burimeve njerëzore.
Inteligjenca e Marketingut – Marrëdhëniet me Klientët, Rrjetëzimi, Menaxhimi i mediave sociale, Lidershipi dhe komunikimi BMC, Kompetencat Ndërkulturore.

Të ftuar të veçantë në Akademinë Verore 2017 do të jenë përfaqësues nga Zyra e Këshilltarit Ekonomik e Tregtar të Ambasadës së Kinës që do të ofrojnë njohuri të dobishme mbi tregun kinez me qëllim promovimin e zhvillimit dhe bashkëpunimit të ndërmarrjeve të vogla dhe të mesme (SME) mes Shqipërisë, Kinës dhe BE-së. Një nga SME-të pjesëmarrëse do të përzgjidhet për të vizituar Kinën dhe për të krijuar networking me sipërmarrje në Kinë.

Në përfundim të Akademisë Verore, pjesëmarrësit do të pajisen me certifikatën e pjesëmarrjes.

Të gjithë sipërmarrësit që dëshirojnë të bëhen pjesë e këtij programi, mund të kontaktojnë dhe të shprehin interesin e tyre në adresën info@sme.al.

Pjesëmarrja në Akademinë Verore është falas.

Megjithatë inkurajohen të gjithë pjesëmarrësit të paguajnë një tarifë simbolike prej 30 Euro që do t’i dhurohet Fondacionit Down Syndrome Abania.

Burimi: sme.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0