Falë risive teknologjike që ka sjellë, kjo kompani ofron produkte me një proces shumë të shkurtuar në këtë industri. Administratori i kësaj kompanie, është Elvan Dajko një arkitekt i ri në moshë, por me mjaft vizion.
I.XH.E.M Parafabrikat është krijuar në vitin 2008 dhe është rezultat i eksperiencës shumë vjeçare të themeluesve të saj në kompanitë më në zë të prodhimit parafabrikat në Itali. Kjo eksperiencë dhe linja teknologjike italiane, është përshtatur më së miri me kërkesat e tregut shqiptar. I.XH.E.M Parafabrikat është lider në këtë sektor përsa i përket llojshmërisë së elementëve që prodhon dhe në përdorimin e teknologjisë së paranderjes, e cila lejon zhvillimin e projekteve përtej limiteve të hasura nga ndërtimi civil në tregun shqiptar.
Kompania I.XH.E.M Parafabrikat ka një eksperiencë shumëvjeçare në treg me dhjetëra objekte të ndërtuara e me një sipërfaqe totale mbi 100’000 m², duke treguar një qasje serioze në çdo sipërmarrje pavarësisht nga tipologjia apo përmasat e objektit.
Gjatë këtyre viteve, I.XH.E.M me profesionalizmin e treguar ka arritur të përfundojë një gamë të gjerë projektesh në përputhje të plotë me kërkesat e klientit në lidhje me cilësinë e punimeve, kohën e realizimit dhe buxhetin e përcaktuar.
burimi: aida.gov.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
