Kompania sapo prezantoi në CES një telefon të ri, në një farë mënyre eksperimental i cili mund të jetë një prej portave kryesore drejt realitetit virtual.
Asus Zenfone AR është telefoni më i ri i pajisur me teknologjinë e realitetit virtual dhe të shtuar. Ai mbështetet fuqishmisht në Google Tango dhe DayDream për të përmbushur ambicjet e tij. Kjo ka qenë e mundur falë një procesori të fuqishëm si Qualcomm Snapdragon 821 i dizenjuar posaçërisht për këtë qëllim.
Modeli 5.7 inç Zenfone AR është telefoni i dytë me projektin Google Tango, një teknologji hartash 3D. Në mënyrë që Tango të funksionojë duhen një set kamerash për gjurmimin e lëvizjes, thellësisë dhe planifikimin e ambjentit të gjitha të përfshira në Zenfone AR.
Platforma Tango bën të mundur veshjen e realitetit fizik me imazhe dixhitale. Kujtoni lojën Pokemon Go dhe do të kuptoni për çfarë po flasim pavarësisht se Tango është një nivel shumë më i sofistikuar. Zenfone AR shitet të bashku me paisjen Daydream.
Ky telefon përmban edhe disa komponentë të çuditshëm: një kamër të pasme me katër sensorë 23 megapiksel të Sony në një total prej 92 megapiksel. Asus pretendon se imazhet e realizuara me këtë kamër kanë katër herë më shumë qartësi sesa fotot standarte HD. Gjithashtu ka kapacitetet e duhura për të regjistruar video 4K.
Ekrani i Zenfone AR ka rezolucion 1440×2560 dhe vjen me Android Marshmallow. Telefoni del në shitje në tremujorin e dytë të 2017-tës.
Burimi: pcworld.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
