Dy të rinj nga Podujeva kanë vendosur t’i bëjnë konkurrencë rrjeteve më të mëdha sociale. Nëse atyre u shkon siç e kanë paramenduar.
Për këtë arsye, ata planin që kishin kanë filluar ta zbatojnë në praktikë.
Endrit Rudari e Egzon Llapashtica janë duke krijuar faqen NotifiedPeople.com (NjoftoNjerz.com).
Në një deklarim për media, Endriti thotë se rrjeti social shqiptar do krijohet shumë shpejt dhe do të ketë shumë gjëra më ndryshe sesa rrjetet aktuale.
Ai tregon se rrjeti social, do të ketë shumë befasi dhe shpreson se pas përdorimit masiv nga shqiptarët, ai do të shpërndahet për të gjithë përdoruesit në botë dhe do njihet si i krijuar nga shqiptarët.
“Ky rrjet është një lloj Facebook-u, por me shumë gjëra të ndryshme”, thotë Endriti, i cili është vetëm 17 vjeç.
Ai thotë se ky rrjet do të ketë edhe Instagram-in e krijuar prej tyre dhe shumë shpejt dhe çdo person që hyn në website, direkt nga IP-ja do të mund t’i vendoset edhe gjuha e shtetit të tij.
Ai megjithatë nuk jep ndonjë datë se kur ky rrjet do të publikohet, por sqaron se kjo do të ndodhë shumë shpejt.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
