Pse PayPal pezulloi shërbimet në Turqi?

Turqia ka bërë disa lëvizje për të sjellë në vënd biznese teknologjike nën kontrollin qeveritar. Por këto lëvizje si duket kanë patur pasoja negative, pasi një nga kompanitë më të mëdha në botë përsa i përket pagesave online, PayPal, ka vendosur të pezullojë shërbimet e saj në Turqi.

Kjo lëvizje e PayPal vjen, pasi kompania nuk mundi dot të nxirrte liçencë të re për shërbimet e saj në Turqi. Kjo do të thotë se duke filluar nga 6 Qershori, turqit nuk mund të përdorin dot shërbimin e pagesave online.

Kjo lëvizje do të ketë ndikim mbi mijëra biznese, si dhe qindra mijëra konsumatorë. Ka qënë rregulluesi financiar në Turqi BDDK që nuk i ka dhënë PayPal-it këtë liçencë.

“Me keqardhje po njoftojmë se PayPal po pezullon operacionet e biznesit në Turqi,” ka thënë kompania në një letër për shtypin. “Duke filluar nga 6 Qershori, 2016, konsumatorë tanë në Turqi nuk do të munden më të dërgojnë apo marrin para nëpërmjet PayPal. Konsumatorë do të vazhdojnë të kyçen në llogaritë e tyre në PayPal, dhe mund të tërheqin paratë e tyre që kanë në llogari, duke i transferuar ato në një bankë turke.”

Shkaqet që kanë çuar në mos-dhënien e liçencës kanë qënë ligjet e reja që qeveria turke ka vënë përsa i përket kompanive teknologjike, që i detyron ato të përqëndrojnë serverat e tyre në vënd.

Ligjet e reja të Turqisë kanë patur një ndikim negativ mbi qeverinë, që po fajësohet se po e vështirëson krijimin e bizneseve teknologjike.

Në Prill të 2016-s, të dhënat personale të më shumë se 50 miliona qytetarëve turq dolën online nga disa hackera, të cilët kritikonin shumë ashpër presidentin turk Rexhep Tayip Erdogan dhe ligjet e tij.

Sipas qeverisë turke, kanë qënë sulmet terroriste në vënd që kanë shtyrë atë të jetë më e rreptë, përsa i përket mënyrës se si veprojnë kompanitë e mëdha në Turqi.

/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.