Kur diçka është e paprekshme dhe për këtë arsye e vështirë të gjykohet, ne ndonjëherë përdorim mënyra të shkurtra për të marrë një opinion se ku pozicionohet çdo individ. Nëpër mbledhje pune, sigurisht që të jesh ai që flet më shumë nuk të bën njeriun më të vlefshëm në mbledhjen e punës. Por kjo “zhurma” është shumë më thjeshtë që të gjykohet lehtësisht se inteligjenca, kështuqë, më shumë se ai i zgjuari, spikeri më konfident përfundon duke e dominuar diskutimin.
Kjo nuk është gjë e mirë për vendimmarrjen.
Por çfarë duhet bërë rreth saj? Si mund ta bësh mbledhjen më ‘mikpritëse’ edhe për tipat më të heshtur të cilët kanë nevojë të bluajnë mendimet e tyre para se t’u shpëtojë diçka? Në një artikull të fundit të revistës së Harvardit, bashkëthemeluesja e Stop Meeting Like This Renee Cullinan ofron disa këshilla (ajo gjithashtu e adreson artikullin për ta bërë mbledhjen sa më të shkompleksuar edhe për femrat dhe punonjësit që punojnë nga larg). Ja disa sugjerime:
1. Mos i bëj njerëzit që të ndihen të ftohtë
“Njerëzit ekstrovertë janë të lumtur kur marrin informacione në një mbledhje për të folur rreth thyre. Por njerëzit introvertë e bëjnë kontributin e tyre më tё mirë kur marrin kohë për të procesuar të dhënat e rëndësishme dhe hapësirën për të zgjedhur me kujdes dhe për të ndarë konkluzione të thella,” tregon Cullinan.
Për këtë arsye, është një ide e mirë që t’u jepni njerëzve kohë mjaftueshëm që çështjen për t’u diskutuar ta kenë në duar para mbledhjes. “Bëje me dije qëllimin e takimit, jep të dhëna të rëndësishme mjaftueshëm kohë përpara dhe listo pyetjet në lidhje me diskutimet e veçanta që planifikon të mbulosh,” këshillon ajo.
2. Ki besim te njerëzit
Mos merr me mend se nëse pjesëmarrësit më të qetë nuk po flasin kjo vjen sepse nuk kanë asgjë për të kontribuuar. Thjesht ata mund të mos gjejnë mundësinë për të folur. Kështuqë mbështetu tek ata. Cullinan sugjeron pyetje si: “Jane, nga diskutimi i deritanishëm, çfarë veçon ti për të sugjeruar?” ose “John, çfarë mendon ti se është ajo gjë që duhet të marrim në konsideratë e s’e kemi mbuluar ende?”
3. Mbaje bisedën gjallë
Çfarë ka rëndësi në shumicën e takimeve është cilësia e ideve, jo shpejtësia me të cilën janë prodhuar, kështuqë jepu mundësinë njerëzve që pas njëfarë kohe të konsideratave të bëra të ndajnë mendime të reja që mund t’u vijnë më pas.
“Qarkullo një përmbledhje të mledhjes dhe kërko ide që mund të kenë ardhur në mend pas mbledhjes,” shkruan Cullinan, që ofron këtë mbyllje të mundshme: “A ka ndonjë që ka mendime të tjera rreth situatës që pas takimit tё fundit? Nëse po, do më pëlqente shumë t’i dëgjoja.”
/Shkruar nga Jessica Stillman dhe publikuar në Inc.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
