Kriza e apartamenteve stok, shkak investimet e gabuara në zona të gabuara - Business Magazine Albania

Kriza e apartamenteve stok, shkak investimet e gabuara në zona të gabuara


Kriza që ka kapur industrinë e ndërtimit prej thuajse një dekade ka përgjegjës edhe investimet e gabuara të ndërtuesve. Mbi 10 mijë apartamente janë sot të pashitura në të gjithë vendin. Por vetë ndërtuesit mendojnë se zgjidhja mund të jetë blerja dhe shitja e tyre enteve të pushtetit lokal për banesa sociale.

Miliona euro kanë mbetur të ngrira në beton si pasojë e stokut të apartamenteve të pashitura, që në të gjithë vendin aktualisht numërohen në më shumë se 10 mijë.

Arben Dervishi i Shoqatës së Ndërtuesve tha: “Sidomos në zonat periferike të Tiranës, në zonat e Golemit, Vlorës, janë një sasi e madhe stoku që vazhdon të mbetet sepse janë bërë investime të gabuara në zona të gabuara”.

Krahasuar me vitet 1995-2005, kërkesa e klientëve ndaj ndërtuesve duket se ka ndryshuar dhe është tendenca për ndërtime më cilësore që ka lënë në mëshirë të fatit ato që shoqata i quan një investim i gabuar.

“Janë gati të paguajnë më shumë për cilësi, pamje më të mirë dhe siguri më të lartë”, shton Dervishi.

Por cila do të ishte zgjidhja për zona të tëra të shndërruara në magazina apartamentesh të pashitura? Ndërtuesit kërkojnë përfshirjen e shtetit për shndërrimin e këtyre apartamenteve në banesa sociale: “Jam dakord që duhet ulur çmimi në një moment, por në periferi çmimet po barazojnë kostot. Kështu që ndoshta shteti mundet të hyjë në tregun e banesave që industria të mos rëndohet më tej”.

 

/Top-Channel

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0