Ministri i Ekonomise, Damian Gjiknuri dhe ai i Financave, Shkelqim Cani kane raportuar paraditen e se martes ne komisionin e ekonomise, lidhur me situaten ne sektorin energjitik.
Ne fjalen e tij ministri Gjiknuri e vuri theksin tek situata e rende ne te cilen u gjet ky sektor, ndersa nenvizoi se marreveshja e negociuar me CEZ ishte zgjidhja optimale per palen shqiptare.
“Sistemi energjitik u gjet ne gjendje shume te rende. Nese nuk do te nderhyhej ai mund te shkonte ne kolapls. Gjithashtu, nese çeshtja e CEZ do shkonte ne arbitrazh situata e renduar do zgjaste deri ne 5 vjet dhe nuk do beheshin dot investime ne energjitike”, ka thene Gjiknuri.
Ai ka thene se, mundesite qe pala shqiptare te fitonte ndaj kompanise çeke ne arbitrazh ishin shume te vogla dhe ka shtuar se negociatat e zhvilluara per zgjidhjen e kontestit ishin transparente.
Duke folur per te njejtin rast, ministri i Financave Shkelqim Cani ka saktesuar se, e gjithe marreveshja me CEZ eshte mbyllur per shumen 87.1 milione euro.
“Shlyerja e detyrimit nga shteti shqiptar do te behet ne 4 vjet. Ne fund te 4 viteve, duke perfshire dhe interesin, do t’i kemi paguar CEZ 90 milione euro”, ka thene Cani.
Sikurse parafolesi, edhe shefi i Financave ka theksuar se, nevojitet nje reforme e thelle dhe e pershpejtuar ne sektorin energjitik.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
