Bankat private fituan rreth 50 milione dollare ne 5 muajt e pare te vitit, mesatarisht 10 milione dollare ne çdo muaj. Te dhenat e fundit zyrtare nga shoqata shqiptare e bankave tregojne se krahasuar me nje vit me pare, fitimet e sistemit bankar jane rritur me mbi 5 here duke shenuar nje rekord historik.
Shifrat tregojne permiresim te forte ne te gjithe treguesit qe masin perfitueshmerine e sistemit. Kthimi nga kapital, i cili mat fitimin e bankave ne raport me parate e investuara nga aksioneret e tyre, arriti 11.2 per qind ne fund te pesemujorit.
Kjo do te thote se per çdo 100 leke kapital te investuar ne banke aksioneret kane marre mbrapsht 11.2 leke fitim per pese muajt e pare. Nje vit me pare shifra ishte 2.2 per qind.
Permiresimi i forte i treguesve vjen ne nje kohe kur aktiviteti kryesor qe kryejne bankat, ai i ndermjetesimit financiar, eshte ne tkurrje krahasuar me nje vit me pare.
Prej disa muajsh depozitat ne sistem kane ngrire, ndersa kredia ne fund te pesemujorit ishte 1.7 per qind me e ulet se nje vit me pare.
Ekspertet e Bankes se Shqiperise thone se pjesa kryesore e rritjes se fitimeve te gjeneruara nga bankat lidhet me renien e fondeve qe ato duhet te lene menjane per te mbuluar kredite e keqija.
Keto te fundit, prej disa muajsh kane ndalur rritjen dhe jane stabilizuar ne nivelin 24 per qind. Kjo i ka çliruar bankat nga detyrimi per te ngrire fonde te reja shtese ne formen e provigjoneve per mbulimin e humbjeve qe vijne nga kredite me probleme.
Por pertej kesaj, te dhenat tregojne se 2014, vit i cili per ekonomine dhe qytetaret parashikohet serish nje vit i veshtire, duket se nuk do te jete i tille per sistemin financiar.
Top Channel
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
